ЕС канчаткова адобрыў адмову ад расійскага газу да канца 2027 года

Венгрыя і Славакія прагаласавалі супраць, аднак рашэнне было прынятае кваліфікаванай большасцю.

Краіны Еўрапейскага саюза ў панядзелак, 26 студзеня, канчаткова адобрылі план блока па забароне імпарту расійскага газу да канца 2027 года.

Пра гэта паведамляецца на сайце Еўрапейскага савета.

Краіны ЕС адобрылі закон на сустрэчы ў Бруселі ў панядзелак. Венгрыя і Славакія прагаласавалі супраць, аднак рашэнне было прынятае кваліфікаванай большасцю (72% дзяржаў-членаў ЕС, якія прадстаўляюць 65% насельніцтва. — Рэд.).

Згодна з рэгламентам, імпарт расійскага трубаправоднага газу і звадкаванага прыроднага газу ў ЕС будзе забаронены праз шэсць тыдняў пасля ўступлення закона ў сілу.

Аднак для дзеючых кантрактаў дзяржаў-членаў будзе дзейнічаць пераходны перыяд.

Згодна з планам, ЕС канчаткова спыніць імпарт расійскага звадкаванага прыроднага газу да канца 2026 года, а трубаправоднага газу — да 30 верасня 2027 года.

Краінам дазваляецца адкласці забарону не пазней за 1 лістапада 2027 года ў тым выпадку, калі яны сутыкаюцца з цяжкасцямі пры запаўненні сваіх газавых сховішчаў газам з-за мяжы напярэдадні зімовага ацяпляльнага сезону.

За парушэнне правілаў прадугледжаныя штрафы для фізічных і юрыдычных асоб.

Акрамя таго, у ЕС будуць правяраць краіну здабычы газу, перш чым дазволіць імпарт газу на тэрыторыю блока.

Як вядома, у снежні за план адмовы ад расійскага газу прагаласаваў Еўрапейскі парламент.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]