Генерал кінуў выклік Сі Цзіньпіну?

Гаворка ідзе не проста пра карупцыю.

У Кітаі расследаванне ў дачыненні да генерала Чжан Юся, аднаго з найбольш уплывовых вайскоўцаў краіны і даўняга паплечніка старшыні КНР Сі Цзіньпіна, стала шокам нават для дасведчаных назіральнікаў за кітайскай палітыкай. Яшчэ нядаўна Чжан лічыўся самым давераным чалавекам Сі ў Народна-вызваленчай арміі Кітая (НВАК), а цяпер ён стаў самым гучным прыкладам страты даверу з боку лідара краіны, піша The New York Times (пераклад — сайт Charter97.org).

Пра пачатак расследавання Міністэрства абароны КНР абвясціла ў выхадныя. Генералу інкрымінуюць «сур'ёзныя парушэнні закона і палітычнай дысцыпліны». Пад праверкай таксама апынуўся іншы высокапастаўлены вайсковец — генерал Лю Чжэньлі. Афіцыйныя фармулёўкі расплывістыя, аднак рэдакцыйны артыкул у кітайскай газеце «Liberation Army Daily» прама ўказаў на абвінавачанні ў карупцыі і, што важней, у неляяльнасці да Сі Цзіньпіна.

Паводле версіі выдання, дзеянні Чжана Юся і Лю Чжэньлі «падарвалі абсалютнае кіраўніцтва партыі над арміяй» і нанеслі шкоду баяздольнасці НВАК. Эксперты лічаць, што гаворка ідзе не проста пра барацьбу з карупцыяй, а пра асабісты канфлікт і меркаваны выклік уладзе Сі.

Чжан Юся — ветэран баявых дзеянняў, удзельнік кітайска-в'етнамскай вайны 1979 года і адзін з нямногіх дзейных кітайскіх генералаў з рэальным баявым досведам. Ён займаў пасаду намесніка старшыні Цэнтральнай ваеннай рады КНР, фактычна будучы другой асобай у арміі. Яго цесныя сувязі з Сі Цзіньпінам, агульныя «рэвалюцыйныя» карані і ключавая роля ў ваеннай рэформе рабілі яго, як лічылася, недатыкальным.

Аднак, на думку аналітыкаў, менавіта канцэнтрацыя ўлады і нарастаючая падазронасць Сі маглі адыграць вырашальную ролю. Некаторыя эксперты не выключаюць, што кітайскі лідар убачыў у генерале занадта ўплывовую фігуру. У СМІ таксама з'явіліся непацверджаныя паведамленні пра магчымую ўцечку сакрэтнай інфармацыі.

Калі абвінавачанні будуць афіцыйна выстаўлены, Чжан Юся, як чакаецца, паўстане перад закрытым ваенным судам. Яго падзенне, адзначаюць назіральнікі, дэманструе крохкасць пазіцый нават самых набліжаных да Сі прадстаўнікоў эліты і ўзмацняе атмасферу страху і няпэўнасці ў вышэйшых эшалонах улады КНР.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]