Кошт золата ўзляцеў да новага гістарычнага максімуму

Аналітыкі назвалі галоўны каталізатар росту.

Кошт золата ў панядзелак, 26 студзеня, ўзляцеў да новага гістарычнага максімуму, перасягнуўшы адзнаку $5000 за ўнцыю.

Як піша Reuters, каталізатарам гэтага росту, на думку старэйшага рыначнага аналітыка Capital.com Кайла Родды, стаў «фактычны крызіс даверу да адміністрацыі ЗША і амерыканскіх актываў, справакаваны хаатычнымі рашэннямі адміністрацыі Трампа на мінулым тыдні».

«Гэтая адміністрацыя Трампа выклікала неадваротны злом у звыклых правілах гульні, і цяпер усе фактычна бягуць у золата як у адзіную альтэрнатыву», — дадаў Родда.

Апытаныя агенцтвам аналітыкі чакаюць, што сёлета цэны на золата будуць і далей расці — да $6000 за ўнцыю.

Прэзідэнт ЗША Дональд Трамп адмовіўся ад пагроз увесці мыты супраць еўрапейскіх саюзнікаў як інструмент ціску для захопу Грэнландыі, але замест гэтага заявіў, што ўвядзе мыты ў памеры 100% супраць Канады, калі яна рэалізуе гандлёвую здзелку з Кітаем. Таксама Трамп прыгразіў абкласці французскія віны і шампанскае мытам у 200%.

Як паведамлялася, 9 кастрычніка спотавыя цэны на срэбра падскочылі да найвышэйшага ўзроўню за 45 гадоў, паколькі растучы попыт на бяспечныя актывы сутыкнуўся з абмежаванай прапановай.

Кошт золата 12 студзеня 2026 года дасягнуў рэкорднага максімуму ў $4600 за ўнцыю, паколькі крымінальнае расследаванне адміністрацыі Трампа ў дачыненні да кіраўніка Федэральнай рэзервовай сістэмы Джэрома Паўэла вярнула інвестараў да актыву, які лічыцца бяспечнай гаванню.

20 студзеня 2026 года кошт золата перасягнуў адзнаку $4700.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]