Ціханоўская і Зяленскі ўпершыню правялі сустрэчу
8- 25.01.2026, 22:24
- 7,184
Сустрэча адбылася ў Вільнюсе.
У Вільнюсе вечарам 25 студзеня прэзідэнт Украіны Уладзімір Зяленскі правёў сустрэчу са Святланай Ціханоўскай.
Ціханоўская ад імя беларусаў выказала поўную падтрымку ўкраінскаму народу, які змагаецца за свабоду, адзначыла выключнае асабістае лідарства прэзідэнта Зяленскага і падзякавала за моцную прамову на цырымоніі ўшанавання паўстанцаў 1863 года, паведаміла прэс-служба Ціханоўскай.
Ціханоўская таксама падзякавала Зяленскаму за яго падтрымку дэмакратычнай Беларусі і за тое, што кіраўніцтва Украіны аддзяляе беларусаў ад рэжыму. Ціханоўская асобна згадала беларускіх добраахвотнікаў, валанцёраў, а таксама партызанаў, незаконна асуджаных за салідарнасць і падтрымку Украіны, а таксама беларусаў ва Украіне. Яна таксама асобна звярнула ўвагу на лёс палонных беларускіх добраахвотнікаў.
Падзякавала яна і за тое, што прынялі апошнюю групу вызваленых палітвязняў. Бакі абмеркавалі працэс вызваленняў, далейшыя крокі і гатоўнасць Украіны аказваць падтрымку такога кшталту і надалей.
Ціханоўская прапанавала прызначыць спецпасланніка па Беларусі, як гэта зрабілі многія іншыя дэмакратычныя краіны. А таксама больш цеснае супрацоўніцтва з Місіяй дэмакратычных сіл у Кіеве.
Таксама абмеркавалі візіт Ціханоўскай ва Украіну: Зяленскі запрасіў Ціханоўскую наведаць Кіеў.
Ціханоўская і Зяленскі таксама абмеркавалі санкцыйную палітыку, сумесную стратэгію з еўрапейскімі і амерыканскімі партнёрамі, прыцягненне да адказнасці Лукашэнкі і пасобнікаў рэжыму, у тым ліку — за вываз украінскіх дзяцей.
Ціханоўская падкрэсліла, што лёсы вольнай Беларусі і Украіны ўзаемазвязаныя, і што дэмакратычныя сілы будуць рады яшчэ больш цеснаму супрацоўніцтву з Украінай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
