Зяленскі: Украіна будзе цалкам гатовая да ўступлення ў ЕС у 2027 годзе

Канкрэтная дата ўступлення ў ЕС павінна быць у дамове аб заканчэнні вайны.

Украіна будзе цалкам гатовая да ўступлення ў Еўрапейскі Саюз у 2027 годзе. Важна прапісаць дату ўступлення ў дамове аб заканчэнні вайны для атрымання выразных гарантый бяспекі, — заявіў прэзідэнт Уладзімір Зяленскі на сумеснай прэс-канферэнцыі з прэзідэнтамі Літвы Гітанасам Наўседам і Польшчы Каролем Навроцкім на прэс-канферэнцыі ў Вільнюсе.

Тэхнічна Украіна будзе гатовая да адкрыцця ўсіх кластараў ужо ў першым паўгоддзі 2026 года. Поўнай тэхнічнай гатоўнасці да ўступлення плануюць дасягнуць у 2027 годзе, адзначыў кіраўнік дзяржавы.

«Мы хочам 27-ы год. Мы гаворым пра канкрэтную дату, калі Украіна будзе гатовая», — сказаў Зяленскі.

Па яго словах, сяброўства ў ЕС з’яўляецца часткай еўрапейскіх гарантый бяспекі для Украіны разам з «Кааліцыяй ахвотных». Прэзідэнт падкрэсліў, што гэта найперш эканамічныя гарантыі бяспекі.

«Мы хочам канкрэтную дату ў нашай дамове аб заканчэнні вайны, каб потым усе бакі прытрымліваліся гэтых дамоўленасцяў, уключаючы агрэсара, які будзе падпісвацца пад 20-пунктавым планам, калі настане такі момант, каб потым нас ніхто больш не блакаваў», — сказаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]