Брытанскі міністр прапанаваў прывязаць заробак дэпутатаў да росту ВУП

Каб стымуляваць урад надаваць прыярытэтную ўвагу эканоміцы.

Міністр па пытаннях бізнесу Вялікабрытаніі Пітэр Кайл прапанаваў прывязаць заробак дэпутатаў да росту ВУП, каб стымуляваць урад надаваць прыярытэтную ўвагу эканоміцы. Пра гэта паведамляе Financial Times.

Паводле слоў Кайла, ён хацеў бы, каб Незалежны парламенцкі орган па стандартах (IPSA), які кантралюе заробкі дэпутатаў, змяніў формулу разліку заробкаў і звязаў іх з тэмпамі росту краіны. Міністр адзначыў, што дэпутаты Лейбарысцкай партыі не надта ў захапленні ад прапановы.

«Яны не так натхнёныя, як я, але… калі мы дасягнём, напрыклад, 5-працэнтнага росту эканомікі, мы раскрыем свой патэнцыял», — сказаў ён, адзначыўшы, што ўрадавыя ведамствы не заўсёды ставяць эканамічны рост у прыярытэт.

Былы дарадца лейбарыстаў Джэймс Мідвэй усумніўся ў ідэі, адзначыўшы, што дзеянні дэпутатаў рэдка наўпрост уплываюць на ВУП. У той жа час сустаршыня фракцыі дэпутатаў Лейбарысцкай партыі па пытаннях эканамічнага росту Крыс Кёрціс падтрымаў ініцыятыву, назваўшы яе крокам да аднаўлення даверу да палітыкі.

Цяпер заробак брытанскіх дэпутатаў складае £93 904 у год і індэксуецца паводле розных паказчыкаў, уключаючы змяненні сярэдняга заробку ў дзяржаўным сектары, адзначае FT.

У лістападзе мінулага года эканоміка Вялікабрытаніі вырасла на 0,3%, перавысіўшы прагнозы, пісаў раней The Guardian. Сектар паслуг вырас на 0,3%, прамысловасць — на 1,1%, тады як будаўніцтва скарацілася на 1,3%.

Эксперты ў размове з газетай адзначылі, што эканамічная актыўнасць паскорылася, з’явіліся прыкметы ажыўлення спажывецкіх выдаткаў, а рост у 2025 годзе можа скласці 1,4%. Яны, аднак, папярэдзілі, што рост можа быць нестабільным праз высокую падатковую нагрузку і рызыкі скарачэння спажывецкіх выдаткаў у 2026 годзе

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]