У межах праверкі арміі Лукашэнка загадаў вайскоўцам падцягвацца на перакладзіне
12- 25.01.2026, 19:44
- 6,808
Мінабароны адрапартавала аб узроўні фізічнай падрыхтаванасці асабовага складу.
У межах праверкі баявой гатоўнасці Узброеных Сіл, між іншым, ацэньваецца «узровень фізічнай падрыхтаванасці асабовага складу асобнага механізаванага батальёна», паведаміла 25 студзеня Міністэрства абароны.
«Сёння гвардзейцы правяраемага падраздзялення выконваюць падцягванні на перакладзіне», — адзначылі ў ведамстве.
Гэты этап праверкі, як заяўляецца, дазваляе «аб'ектыўна ацаніць фізічную вытрываласць і гатоўнасць вайскоўцаў да выканання задач па прызначэнні».
Паводле слоў прадстаўніка Савета бяспекі Сяргея Брэзінскага, па распараджэнні Аляксандра Лукашэнкі «на кантрольныя заняткі вынесеныя два нарматывы: на сілу — падцягванні на перакладзіне, і на вытрываласць — марш-кідок у складзе падраздзялення на пяць кіламетраў».
«Галоўная мэта кантрольных заняткаў — ацаніць узровень фізічнай падрыхтаванасці вайскоўцаў асобнай механізаванай брыгады. Да заняткаў прыцягваецца 100% асабовага складу», — сказаў чыноўнік.
Лукашэнка, дадаў ён, надае «асаблівую і першачарговую ўвагу фізічнай падрыхтоўцы, якую ён разглядае як залог баяздольнасці ўзброеных сіл ва ўмовах напружанасці». Менавіта таму выбраныя «самыя складаныя нарматывы па фізічнай падрыхтоўцы», — сказаў Брэзінскі.
«Сёння мы прымаем падцягванне на перакладзіне. Папярэднія вынікі паказваюць, што вайскоўцы добра падрыхтаваныя. Узровень сілы асабовага складу знаходзіцца ў годным стане», — заявіў ён.
24 студзеня паведамлялася, што ў межах праверкі Узброеных Сіл у баявую гатоўнасць у абыход міністра абароны было прыведзена механізаванае злучэнне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
