ЗША канфіскавалі венесуэльскую нафту з захопленых танкераў і плануюць яе прадаць

Трамп заінтрыгаваў заявай.

Злучаныя Штаты Амерыкі канфіскавалі нафту з сямі нядаўна захопленых венесуэльскіх танкераў, але адмовіліся раскрываць іх цяперашняе месцазнаходжанне.

Пра гэта заявіў прэзідэнт ЗША Дональд Трамп у інтэрв'ю New York Post.

Паводле слоў Трампа, ЗША ўжо фактычна кантралююць запасы нафты, якія знаходзіліся на танкерах.

«Я не маю права вам гэтага распавядаць. Але скажам так - у іх няма нафты. Мы забіраем нафту», - заявіў ён.

Ён удакладніў, што венесуэльская нафта цяпер паступае на амерыканскія нафтаперапрацоўчыя заводы, у прыватнасці ў Х'юстане і іншых рэгіёнах ЗША.

Планы продажу і размеркавання прыбытку

Трамп паведаміў, што ЗША плануюць прадаць да 50 мільёнаў барэляў венесуэльскай нафты па рыначнай цане. Паводле яго слоў, частку даходаў атрымае Венесуэла, а частку - Злучаныя Штаты і буйныя нафтавыя кампаніі.

«Венесуэла заробіць больш грошай, чым калі-небудзь раней», - падкрэсліў ён.

Кантроль над нафтавай галіной Венесуэлы

Пасля усунення Нікаласа Мадуры у выніку аперацыі 3 студзеня адміністрацыя Трампа ўзяла курс на кантроль над здабычай, перапрацоўкай і глабальным размеркаваннем венесуэльскай нафты.

Раней у гэтым месяцы Трамп правёў сустрэчу з кіраўнікамі вядучых нафтавых кампаній, на якой абмяркоўваліся інвестыцыі ў аб'ёме 100 млрд долараў для аднаўлення і мадэрнізацыі нафтавай галіны краіны.

Атрыманыя сродкі ад канфіскаваных танкераў плануюць накіраваць на аднаўленне Венесуэлы, а ўрад ЗША можа кампенсаваць амерыканскім кампаніям выдаткі на аднаўленне энергетычнага сектара.

Трамп таксама заявіў, што задаволены супрацоўніцтвам з часовай прэзідэнткай Венесуэлы Дэльсі Радрыгес.

«Мы маем выдатныя адносіны з новай прэзідэнткай. Яна проста цудоўная», - сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]