У Беларусі з'явіцца новая спецыяльнасць

Вучыцца на яе можна будзе ў Гомелі.

У Гомельскім дзяржаўным хіміка-тэхналагічным каледжы адкрыюць новую спецыяльнасць — «эксплуатацыя і абслугоўванне нафтавых і газавых радовішчаў». Пагадненне аб супрацоўніцтве па яе запуску ўстанова адукацыі падпісала з кампаніяй «Беларуснафта», паведамляе БелТА.

Спецыяльнасць ужо ўнесена ў агульнадзяржаўны класіфікатар і на гэты момант не мае аналагаў у краіне. Выпускнікам будзе прысвойвацца кваліфікацыя «тэхнік-тэхнолаг». Падрыхтоўка на базе агульнай сярэдняй адукацыі пачнецца 1 верасня 2026 года.

У працэсе навучання студэнты атрымаюць не менш як тры рабочыя прафесіі: другога памочніка бурыльшчыка эксплуатацыйнага і разведачнага бурэння нафтавых і газавых свідравін, памочніка бурыльшчыка падземнага і капітальнага рамонту свідравін, а таксама слесара-рамонтніка.

Акрамя таго, па дадатковым запыце кампаніі найбольш паспяховыя навучэнцы падчас тэхналагічнай практыкі змогуць асвоіць чацвёртую прафесію — аператара па здабычы нафты і газу, удакладнілі ў «Беларуснафце».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]