Спрэчка паміж Ілонам Маскам і кіраўніком Ryanair прывяла да вялікага распродажу квіткоў

Акаўнт Ryanair у X рэзка адрэагаваў на прапанову бізнесмена купіць авіякампанію.

Авіякампанія Ryanair запусціла вялікі распродаж квіткоў пад дэвізам «Вялікі распродаж спецыяльна для Ілона і любых іншых ідыётаў у X». Гэта стала працягам публічнай спрэчкі паміж амерыканскім мультымільярдэрам Ілонам Маскам і кіраўніком ірландскай авіякампаніі Ryanair Майклам О’Ліры, піша «Зеркало».

«Маск ведае пра правілы валодання авіякампаніямі яшчэ менш, чым пра аэрадынаміку самалётаў», — заявіў генеральны дырэктар Ryanair Майкл О’Ліры.

У акаўнце кампаніі дадалі: «Магчыма, Маску патрэбны перапынак?», і абвясцілі пра вялікі распродаж квіткоў — 100 тысяч месцаў прадаюць за 16,99 еўра ў адзін бок.

«Купляйце зараз, пакуль Маск не забраў усё!!!», — напісала кампанія Ryanair. А пазней дадала, што дзякаваць трэба не ёй, а «гэтаму вялікаму „ідыёту“ Ілону Маску».

Нагадаем, спрэчка паміж Ілонам Маскам і Майклам О’Ліры разгарэлася з-за адмовы лоўкостэра ўсталёўваць спадарожнікавы інтэрнэт Starlink на свае самалёты Boeing 737. Пасля ўзаемнага абмену абразамі ў сацсетцы X амерыканскі бізнесмен спытаў у авіяперавозчыка пра яго цану і пацікавіўся ў сваіх падпісчыкаў, ці варта яму набыць прадпрыемства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]