Беларусы сталі даўжэй гаварыць па мабільніку?

У сярэднім на аднаго абанента прыпадала 568 хвілін у месяц.

Працягласць тэлефонных размоў (па «галасавой» сувязі) паводле вынікаў 2025 года павялічылася, а сярэдняя працягласць званка склала крыху менш за тры хвіліны. У месяц жа сярэднестатыстычны абанент нагаворвае 9,5 гадзіны, то-бок праводзіць на «правадзе» больш за стандартны працоўны дзень з улікам абеду.

Такім чынам, у 2025 годзе абаненты здзейснілі 11,6 млрд уваходных і выходных выклікаў, нагаварыўшы ў суме больш за 32,5 млрд хвілін, або амаль 62 тысячы гадоў, гаворыцца ў статыстыцы МТС. Сярэдняя працягласць выклікаў склала 2 хвіліны 49 секунд, годам раней балбаталі крыху менш — 2 хвіліны 45 секунд.

У сярэднім на аднаго абанента прыпадала 568 хвілін у месяц. Для параўнання, у 2024-м гэты паказчык складаў 559 хвілін, а 10 гадоў таму — 462 хвіліны.

Найбольш гаварылі ў Мінску, за сталіцай ідуць Брэсцкі, Гродзенскі, Віцебскі і Баранавіцкі раёны, крыху менш галасавай актыўнасці ў Магілёўскім, Полацкім, Мінскім, Аршанскім і Мазырскім раёнах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]