«Ацяпленне вярнулі, а праз пару гадзін лопнулі трубы»

Што адбываецца з батарэямі ў мінскай Сухараве?

Аварію, якая пакінула без цяпла пяць раёнаў сталіцы, ліквідавалі, але заяўкі жыхароў у дыспетчарскія службы ЖКГ працягваюць паступаць дагэтуль. Учора чарговы прарыў адбыўся ў мікрараёне Сухарава, піша Onliner.

Ацяпленне ў доме па вул. Лабанка, 108, пасля вялікай аварыі вярнулі ўчора прыкладна а трэцяй гадзіне дня, але кватэры не паспелі нават прагрэцца. Ужо праз некалькі гадзін, а палове восьмай вечара, не вытрымаў нагрузкі радыятар у другім пад’ездзе.

— Батарэя з кіпенем у пад’ездзе лопнула. З-за густога пару бачнасці не было на ўсе 9 паверхаў. Гарачай вады на першым паверсе — па шчыкалаткі. Нават дыхаць было цяжка, столькі вільготнасці ў паветры. Пахла вогнішчам. Мы хутка выбеглі, сфатаграфавалі ўсё гэта і забеглі назад дадому, каб пар не трапіў у кватэру, — расказвае жыхарка дома Яна. — Кандэнсат на сценах збіраўся так хутка, што ў тамбуры на трэцім паверсе ў нас утварылася лужына. Ваду перакрывалі супрацоўнікі МНС.

Дазваніцца ў ЖЭС учора Яна так і не змагла, кажа, на лініі «чарга была са 100 чалавек». У сям’і гадавалое дзіця, таму мінчане часова з’ехалі з халоднай кватэры да сваякоў. Аднак бацькі Яны засталіся ў жыллі.

— Усю ноч батарэі шумелі — з сістэмы, відаць, злівалі ваду. Зараз ужо амаль абед, а ў нас з учарашняга вечара няма ні цяпла, ні гарачай вады. Тэмпература ў кватэры цяпер менш за 16 градусаў, — дадае мінчанка. — Рэчы не можам ні памыць, ні высушыць ужо трэці дзень.

Высветлілася, што без ацяплення і гарачай вады ўчора застаўся не толькі дом №108, але і №110 (у прынцыпе гэта адзін будынак, хоць і падзелены на два адрасы). Там трубы лопнулі яшчэ раней, і МНС дзяжурыла там ужо з пятай гадзіны вечара, расказалі жыхары суседніх пад’ездаў.

— Ацяпленне ў дом вернецца сёння ў бліжэйшы час. Зараз завяршаюцца работы на доме №17 і на доме №60. Потым ідуць на дом №108. Дакладны час сказаць не магу. Спецыялісты працуюць і ўначы, і без абеду, — пракаментавалі журналісту Onlíner сітуацыю ў дыспетчарскай службе ЖЭСа №114, у вядзенні якой знаходзіцца абслугоўванне абодвух дамоў. — Жыльцам трэба пацярпець і пачакаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]