Расійскія акупанты ў Крыме запанікавалі

Пасля удараў Сіл абароны Украіны.

Удары Сіл абароны па ваенных аб’ектах акупантаў у часова акупаваным Крыме выклікаюць у расіян усё большую паніку. Пасля апошніх прылётаў у Сімферопалі яны ўчынілі «паляванне» на «наводчыкаў Узброеных Сіл Украіны».

Крымчан спынялі і старанна абшуквалі на кальцавых дарогах, у паветры кружыліся верталёты, таксама фіксаваліся калёны тэхнікі «Расгвардыі». Пра гэта паведамілі ў ваенным руху ўкраінцаў і крымскіх татараў «Атеш».

«Аблавы» ў пошуках «наводчыкаў» захопнікі праводзілі 20 студзеня ў Сімферопалі, у «Атеш» падзяліліся паведамленнямі сваіх агентаў у Крыме.

«На кальцавых дарогах праводзіліся суцэльныя дагляды ваеннымі і паліцыяй. Зафіксавана маштабнае перамяшчэнне ваеннай тэхнікі, у тым ліку калёнаў Расгвардыі. У паветры фіксавалі верталёты ворага», — расказалі ў «Атеш».

Паніка ў шэрагах акупантаў, адзначылі ў руху, пачала нарастаць пасля апошніх выніковых удараў украінскіх воінаў па ваенных цэлях на паўвостраве.

«Іх анамальныя і панічныя паводзіны, хутчэй за ўсё, звязаныя з нядаўнімі паспяховымі ўдарамі Сіл абароны Украіны па ваенных аб’ектах у Крыме», — адзначана ў паведамленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]