У Расіі больш за 7000 аўтаперавозчыкаў апынуліся на мяжы банкруцтва
6- 21.01.2026, 13:45
- 3,646
Украінская разведка даведалася падрабязнасці.
У Расіі па выніках 2025 года больш за 7000 кампаній, што займаюцца аўтаперавозкамі, апынуліся на мяжы банкруцтва або закрыцця з-за рэзкага росту выдаткаў. Пра гэта праінфармавала Служба знешняй разведкі Украіны.
Паводле звестак СЗР, расійскія аўтаперавозчыкі вымушаныя закрывацца з-за рэзкага росту цэн на паліва і тэхнічнае абслугоўванне транспартных сродкаў, а таксама з-за зніжэння магчымасці лізінгу і павышэння банкаўскіх ставак.
У прыватнасці, летась у Расіі бензін падаражэў на 11%, а дызельнае паліва — прыкладна на 9%. Бензін АІ-95 на расійскіх АЗС у сярэднім каштуе 68–69 рублёў за літр, а дызельнае паліва — 75–77 рублёў за літр. Гэта робіць унутраныя перавозкі ў РФ аўтамабільным транспартам эканамічна непрыбытковымі.
Такой сітуацыяй паспяхова карыстаюцца кітайскія аўтаперавозчыкі. Да канца 2025 года яны ўжо занялі каля 20% рынку аўтамабільных перавозак у Расіі. Гэтаму спрыяюць танныя крэдыты і выкарыстанне кабатажнага заканадаўства.
У канцы 2025 года СЗР паведаміла, што ў Расіі каля 30% малых і сярэдніх прадпрымальнікаў не выключаюць спынення працы на працягу бліжэйшых шасці месяцаў. Адной з галоўных прычын стала тое, што расійскія банкі скарацілі спажывецкае крэдытаванне. У РФ дзяржаўныя кампаніі затрымліваюць аплату прыватным фірмам, тым самым фактычна крэдытуючыся за іх кошт.
Нагадаем, улетку 2025 года Расію ахапіў востры паліўны крызіс. У многіх рэгіёнах увялі абмежаванні на продаж бензіну. Гэта стала вынікам удараў Узброеных Сіл Украіны па расійскіх НПЗ, якія забяспечваюць палівам акупацыйнае войска РФ ва Украіне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
