Літоўскія памежнікі знайшлі на мяжы з Беларуссю партыю цыгарэт на 260 тысяч еўра

Яны некалькі гадзін чакалі ў засадзе, але па буйную партыю цыгарэт ніхто так і не прыйшоў.

Літоўская служба аховы дзяржаўнай мяжы паведаміла пра буйную контрабанду — у лесе недалёка ад мяжы з Беларуссю памежнікі выявілі 50 тысяч пачак цыгарэт гродзенскага завода агульным коштам каля 260 тысяч еўра, перадае «Зеркало».

Увечары 31 снежня памежнікі заставы Капчяместыс Варэнскай памежнай акругі ў лясным масіве ў аколіцах вёскі Куодайчай заўважылі мноства ўпаковак з прымацаванымі пасярэдзіне кручкамі.

Каробкі, абгорнутыя паліэтыленавай плёнкай, былі раскіданыя ў радыусе прыблізна 20 метраў. Памежнікі арганізавалі засаду і правялі там некалькі гадзін, але па гэты груз ніхто так і не прыйшоў. Пасля гэтага вайскоўцы ўважліва агледзелі мясцовасць і вывезлі знаходку на заставу.

У кожнай упакоўцы знаходзіліся па дзве заводскія кардонныя каробкі з лагатыпам гродзенскай тытунёвай фабрыкі «Нёман». Усяго канфіскавалі 50 тысяч пачак цыгарэт марак Minsk 5 Superslims і Queen Menthol з беларускімі акцызнымі маркамі.

Кошт партыі нелегальных цыгарэт з улікам усіх абавязковых падаткаў у Літве ацанілі ў 259 500 еўра.

Па факце незаконнага абароту падакцызных тавараў пачата дасудовае расследаванне. Арганізатарам кантрабанды, калі іх знойдуць, пагражае штраф або пазбаўленне волі на тэрмін да васьмі гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]