Чачэнскі баец UFC апублікаваў чорна-белае фота з Адамам Кадыравым

Інфармацыя пра стан сына кіраўніка Чачні застаецца невядомай.

Чачэнскі баец UFC Хамзат Чымаеў апублікаваў у сацыяльных сетках чорна-белае фота з Адамам Кадыравым, сынам кіраўніка Чачні Рамзана Кадырава. Ён выклаў здымак у сторыс Instagram пасля інфармацыі пра ДТЗ у Грозным, у якое яны абодва нібыта трапілі.

Фотаздымак спартсмен падпісаў. Побач з Адамам Кадыравым ён па-чачэнску напісаў: «Кьонах». Слова можна перакласці як «годны чалавек». Ніжэй ён прымацаваў фразу па-чачэнску, якая прыкладна перакладаецца так: «Пакуль у нас ёсць вера, з намі нічога кепскага не здарыцца».

Паводле звестак чачэнскай апазіцыі, здарэнне з удзелам картэжу Кадырава-малодшага адбылося ў Грозным.

Відавочцы апісвалі стан Адама Кадырава як «жахлівы». Траўмы аказаліся настолькі сур'ёзнымі, што пасля спроб рэанімацыі ў мясцовай бальніцы яго тэрмінова адправілі спецрэйсам у Маскву, у Боткінскую бальніцу. Зыходзячы з даных сэрвісаў маніторынгу палётаў, услед за бортам з пацярпелым у расійскую сталіцу вылецеў і сам Рамзан Кадыраў разам з блізкімі.

Чачэнскія ўлады паспрабавалі абвергнуць чуткі пра цяжкі стан Адама, апублікаваўшы відэа з яго ўдзелам на афіцыйным мерапрыемстве ў Грозным. Аднак журналісты высветлілі, што гэта былі так званыя кансервы — архіўныя кадры са сустрэчы, якая адбылася задоўга да аварыі.

Адаму Кадыраву ўсяго 18 гадоў, але ён даўно вядомая асоба як у Чачні, так і па-за яе межамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]