Сяргей Ціханоўскі разам з дзецьмі пераехаў у ЗША

Офіс Ціханоўскай пракаментаваў гэтую інфармацыю.

Беларускі рэжысёр Андрэй Курэйчык у стрыме расказаў, што былы палітзняволены Сяргей Ціханоўскі цяпер вучыцца ў ЗША, і іх са Святланай дзеці жывуць там разам з ім.

«Вучыцца Сяргей у Маямі. Забраў туды дзяцей, яны пайшлі ў школу», — заявіў Курэйчык.

Святлана Ціханоўская каротка пракаментавала словы Курэйчыка:

«Сяргей сапраўды знаходзіцца ў ЗША, вучыцца на курсах англійскай мовы. А па дзецях я не даю каментарыяў з меркаванняў бяспекі», — сказала яна «Зеркало».

Пазней дарадца Ціханоўскай Дзяніс Кучынскі прывёў яе больш падрабязны каментар:

«Не, дзеці не пераехалі ў ЗША, а знаходзяцца там часова. На дадзены момант мы вырашаем пытанні з бяспекай і арганізацыяй працы офіса. Таму мы ў сям'і прынялі рашэнне, што пакуль дзеці будуць знаходзіцца з татам. Ён цяпер вывучае англійскую мову і працягвае сваю актыўнасць у ЗША. Пры гэтым вы ведаеце мой графік афіцыйных візітаў і сустрэч, а Сяргей даўно не бачыў дзяцей і цяпер можа праводзіць з імі дастаткова часу», — прывёў словы Ціханоўскай Кучынскі.

У Ціханоўскіх двое дзяцей — сын Карней і дачка Агнія.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]