«Адмыцца» Вольфавічу будзе няпроста

Лукашысты пачалі надзвычай небяспечную авантуру.

Дзяржсакратар Савета бяспекі Аляксандр Вольфавіч своеасабліва развеяў сумневы ў тым, што расійскі ракетны комплекс «Арэшнік» паставілі на баявое дзяжурства ў Беларусі.

Маўляў, галоўнае, што мы ў гэтым упэўненыя, а што там сабе думаюць злапыхальнікі — не істотна.

Што да пераканаўчасці, атрымалася так сабе: хочаце — верце, хочаце — не. Але вось у чым могуць быць дакладна ўпэўненыя тыя, хто рупліва наганяе страх расійскай «вундэрвафляй»: кожная такая заява дадае яскравасці мішэні на карце нашай краіны.

У генерала Вольфавіча не павінна быць і ценю сумневу ў тым, што ў гэтай надзвычай небяспечнай авантуры ён адзін з галоўных «мастакоў». І змыць такое будзе вельмі няпроста.

«Гэта зброя стрымлівання, абароны нашай краіны», — кажа ўраджэнец Казані, выпускнік Ваеннай акадэміі Генеральнага штаба Узброеных Сіл Расіі. І з кожным такім выказваннем усё больш пытанняў, якую менавіта краіну ён насамрэч лічыць «нашай».

Артэм Сініцын, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]