Беларуска здзейсніла рэкордны скок з парашутам і дошкай

Відэафакт.

Беларуска Вольга Наўмава ужо 15 гадоў займаецца скайсёрфінгам — гэта скокі з парашутам, падчас якіх да ног спартсмена мацуецца дошка, а ў вольным падзенні выконваюцца розныя трукі. Дзеля такіх эксперыментаў экстрэмалы падымаюцца на вялікую вышыню, і, як аказалася, роўных Вользе няма. Нядаўна яна здзейсніла скок з вышыні 6384 метраў і была ўключана ў Кнігу рэкордаў Гінеса.

Скок адбыўся 10 лістапада 2025 года. Вольга на верталёце паднялася ў раёне Сянгбочэ ў Гімалаях і з вышыні 6384 метраў здзейсніла скок. Падчас рэкорднага скоку ёй давялося змагацца з моцным ветрам, аднак Вольга здолела ўтрымаць дошку пад кантролем і паспяхова раскрыць парашут. Прыземлілася яна на ўзлётна-пасадачнай паласе на вышыні 3766 метраў.

Ну а некалькі дзён таму стала вядома, што Вольга афіцыйна ўключаная ў Кнігу рэкордаў Гінеса.

У невялікім каментары яна сказала, што з таго часу, як адкрыла для сябе скайсёрфінг, яе марай было здзейсніць унікальны скок і тым самым натхніць дзяўчат па ўсім свеце не баяцца і быць смелымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]