Пры якім мінусе адменяць заняткі ў беларускіх школах?

Пры -15°С ужо ёсць абмежаванні.

Новы працоўны тыдзень пачынаецца з суровых папярэджанняў ад сіноптыкаў — услед за снежным цыклонам у Беларусь ідуць моцныя маразы. На панядзелак Белгідрамет перадаў не больш за -7..-13°С удзень, але, паводле аператыўнага прагнозу, наперадзе ўжо маячаць і дзённыя «дваццаткі». І калі для большасці такія суровыя прагнозы — хутчэй падстава для непакою, дык ёсць адна катэгорыя, каго яны могуць парадаваць. Гэта школьнікі, якія разлічваюць на адмену заняткаў з-за маразоў. Даведаліся, пры якім мінусе іх чаканні могуць спраўдзіцца, піша Telegraf.

Пра тое, як няпростая надвор'евая сітуацыя можа паўплываць на навучальны працэс у школах, у выхадныя распавёў начальнік галоўнага ўпраўлення адукацыі Гомельскага аблвыканкама Руслан Смірноў.

Ён растлумачыў, што ва ўсіх аддзелах адукацыі давялося стварыць штабы па працы ў складаных надвор'евых умовах. Паводле яго слоў, пасля пятнічнага снежнага калапсу за выхадныя сітуацыю ўдалося ўзяць пад кантроль: школьную тэрыторыю расчысцілі ад снегу, уключаючы пагрузачныя рампы харчблокаў, дворнікі рэгулярна пасыпаюць дарожкі супрацьгалалёднымі сумесямі, таму з наступствамі снежнага цыклону школы, здаецца, справіліся.

Аднак наступныя маразы сапраўды могуць паўплываць на навучальны працэс. Паводле слоў Смірнова, цяперашні тэмпературны рэжым пакуль дазваляе праводзіць заняткі ў школах. Калі слупкі тэрмометраў апусцяцца да адзнакі ў -15°С, у школах адменяць урокі фізкультуры на вуліцы і прагулкі на свежым паветры ў групах падоўжанага дня, а таксама мерапрыемствы ў межах шостага школьнага дня, што праводзяцца на вуліцы.

Увогуле, згодна з зацверджанымі санітарна-эпідэміялагічнымі нормамі, мясцовыя ўлады маюць права адменіць заняткі ў школах і дзіцячых садах пры больш суровых умовах надвор'я:

прагулкі дзяцей да трох гадоў абмяжоўваюць ужо пры -15 °С,

для дзяцей ва ўзросце ад трох да сямі гадоў — пры -18 °С,

для дзяцей ад сямі гадоў і старэй — ад -22 °С,

пры тэмпературы -25 °С і ніжэй і хуткасці ветру 3 м/с заняткі могуць адменіць наогул.

Падкрэслім, што афіцыйна рашэнне аб адмене заняткаў у школах і закрыцці дзіцячых садкоў прымаюць мясцовыя распарадчыя і выканаўчыя органы ўлады.

Дарэчы, напярэдадні да беларусаў звярнулася Міністэрства ўнутраных спраў — з папярэджаннем пра чарговыя складаныя ўмовы надвор'я. Цяпер да снегу і галалёду дададуцца экстрэмальныя для нашага клімату ў апошні час маразы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]