Украінская разведка: РФ узмацняе дзяржаўны кантроль над эканомікай

Пазбаўляючы бізнес права ўласнасці.

У 2025 годзе маштаб нацыяналізацыі ў Расійскай Федэрацыі пабіў усе рэкорды. Гэта сведчыць пра далейшае згортванне рынкавых механізмаў і ўзмацненне дзяржаўнага кантролю над эканомікай.

Пра гэта паведамляе сайт Службы знешняй разведкі Украіны.

- Так, у 2025 годзе аб’ём прымусова адабранай маёмасці павялічыўся ў 4,5 раза ў параўнанні з 2024 годам і перавысіў 3,1 трыльёна рублёў, а агульная сума актываў, перададзеных дзяржаве з 2022 года, дасягнула 4,3 трыльёна рублёў, - гаворыцца ў паведамленні.

У разведцы адзначылі, што наймацнейшы ўдар атрымаў буйны бізнес, паколькі ў 2025 годзе свае актывы страцілі вядомыя расійскія мільярдэры. У прыватнасці:

- Дзмітрый Каменшчык пазбавіўся аэрапорта «Дамадзедава»;

- Дзяніс Штэнгелаў - холдынгу KDV Group;

- Канстанцін Струкаў - групы «Южуралзолото».

Як інфармуюць у СЗРУ, у Расіі масава нацыяналізуюць стратэгічныя прадпрыемствы, гандлёвыя цэнтры, прамысловыя аб’екты, энергетычныя кампаніі, медыцынскія ўстановы, інфраструктурныя аб’екты і нават адукацыйныя ўстановы.

- Асабліва актыўна маёмасць адбіраюць у Маскоўскай вобласці, Санкт-Пецярбургу, на Ўрале і Далёкім Усходзе, - сказана ў публікацыі.

Таксама разведчыкі распавялі, што для фактычнага пазбаўлення бізнесу права ўласнасці Крэмль ужывае пяць ключавых механізмаў: ад «антыкарупцыйных» пазоваў і перагляду прыватызацыі 1990–2000-х гадоў да абвінавачванняў у «экстрэмізме» і сувязях з замежнымі дзяржаўамі.

- Такая практыка дэманструе поўную залежнасць судовай сістэмы ад палітычных рашэнняў і ператварае нацыяналізацыю ў інструмент палітычных рэпрэсій і перадзелу маёмасці ў інтарэсах бізнесменаў, падкантрольных пуцінскаму рэжыму, - рэзюмавалі ў СЗРУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]