The New York Times назваў найлепшыя месцы для адпачынку ў 2026 годзе

Варшава — на другім месцы ў рэйтынгу для падарожжаў.

Выданне The New York Times падзялілася традыцыйным спісам з 52 кірункаў, куды, паводле меркавання журналістаў, варта накіравацца ў адпачынак у 2026-м.

Першую пазіцыю ў рэйтынгу занялі ЗША.

Гэта растлумачылі тым, што сёлета краіна шырока адзначыць 250-годдзе сваёй незалежнасці, і там будзе на што паглядзець.

На другой пазіцыі раптам апынулася Варшава. Складальнікі рэйтынгу прапанавалі паглядзець на горад іншымі вачыма, а таксама наведаць абноўлены Музей сучаснага мастацтва і тэатр TR Warszawa.

Трэцяе месца таксама здзіўляе, бо гэта Бангкок, які славіцца зялёнымі зонамі, арт-цэнтрам Dib Bangkok і старажытным храмам Ват Чайваттханарам. Апошні адчыніў свае дзверы пасля сур’ёзнай рэканструкцыі.

Фішка рэйтынгу — у яго разнастайнасці і спалучэнні папулярных турыстычных і больш экзатычных кірункаў.

Сярод апошніх там апынуліся паўвостраў Оса ў Коста-Рыцы, індыйскі запаведнік з тыграмі Бандхавгарх, алжырскі Оран, Сейшэлы, Арменія, Ісландыя, В’етнам і іншыя мясціны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]