Расію паднялі на смех у сеціве

Расійскі аналаг «Еўрабачання» стаў правалам.

Расія аднавіла стары савецкі конкурс «Інтэрбачанне», але замест міжнароднага шоу атрымалася бутафорыя: масоўцы з ліку расіян выдалі касцюмы замежнікаў і загадалі радавацца гучней, чым гледачы «Еўрабачання», паведамляе тэлеграм-канал «Осторожно, новости».

Пасля нападу Расіі на Украіну РФ выкінулі з еўрапейскага «Еўрабачання». Пуцін вырашыў «помсціць», асабістым распараджэннем аднавіўшы конкурс-канкурэнт савецкай эпохі.

Арганізатары конкурсу «Інтэрбачанне» вырашылі паказаць «падтрымку» замежных дэлегацый, якія не захацелі прыязджаць у Расію. Для гэтага набралі масоўку ў Маскве і выдалі людзям сцягі, футболкі і касцюмы розных краін. На Live Арэне сабраліся каля 800 чалавек, сярод якіх аказалася не больш за два дзясяткі сапраўдных замежнікаў. Астатнія, самі расіяне, ігралі ролю «арабаў», «індыйцаў», «бразільцаў» і «сербаў». За ўдзел акцёрам масоўкі абяцалі выплаціць 6 тысяч рублёў.

Дэкарацыі пад дзедавыя фантазіі

Прычынай адраджэння «Інтэрбачання» стала настальгія Пуціна. Арганізатары кінуліся выконваць прыхамаць, асвойваючы мільярды на праекце, які нікому не патрэбны.

Забароны і праверкі

Кожны «гледач» падпісаў дагавор, паводле якога абавязаўся «не дыскрэдытаваць расійскую армію» і не дэманстраваць «нацысцкую сімволіку». Забаранялася і здымаць відэа. Парушальнікам пагражалі штрафы да 500 тысяч рублёў і «разбіральніцтва з юрыстамі». Двух дзяўчат вывелі са залы пасля таго, як праверылі іх тэлефоны і прымусілі выдаліць запісы.

Пры наборы масоўкі людзей папярэджвалі: нельга прыходзіць у вопратцы «жоўтых і блакітных тонаў». Аднак некаторых «парушальнікаў» усё ж пакінулі.

«Сапраўдныя арабы» і «кітайцы»

На фота і відэа — пераапранутыя акцёры масоўкі. Адзін з удзельнікаў распавёў: «Я тут дзеля прыколу, мяне паклікалі сябры. Вядома, хацелася б пабываць на сапраўдным «Еўрабачанні», але раз яго няма, пагляджу на гэта. Хаджу і шукаю сапраўдных прыхільнікаў Шамана, але пакуль нікога не сустрэў». Іншага пераапранулі ў арабскага шэйха, а студэнтаў з М’янмы — у «кітайцаў». М’янма на конкурсе не прадстаўлена, але арганізатараў гэта не збянтэжыла.

«Інтэрбачанне» стала чарговым спектаклем для ўнутранага ўжытку. Сапраўдных гледачоў няма, шчырых эмоцый таксама. Толькі масоўка за грошы і касцюмы, набытыя дзеля карцінкі. Расія зноў спрабавала паказаць «вялікасць», і зноў атрымалася падробка, пішуць сацсеткі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]