Памёр мадэльер Джорджо Армані
2- 4.09.2025, 16:36
- 7,608
Яму было 91 год.
Памёр італьянскі мадэльер і прадпрымальнік Джорджо Армані, паведамляе газета La Repubblica са спасылкай на заяву кампаніі Armani. Мадэльеру было 91 год.
«З глыбокім смуткам Armani Group абвяшчае пра смерць свайго стваральніка, заснавальніка і нястомнай рухаючай сілы Джорджо Армані», — гаворыцца ў заяве кампаніі.
У Armani Group адзначылі, што мадэльер памёр у асяроддзі сваіх блізкіх. Прычыны смерці Армані не называюцца.
Армані нарадзіўся ў 1934 годзе ў Італіі. Свой працоўны шлях ён пачынаў з пасады вітрыніста ва ўнівермагу. Потым ён працаваў дызайнерам у модным доме Nino Cerruti. У 1975 годзе заснаваў брэнд Giorgio Armani, які стаў сімвалам італьянскай элегантнасці і мінімалізму.
На працягу многіх гадоў Армані сфармаваў бачанне, якое ахапіла моду і ўсе аспекты жыцця, апярэджваючы час з надзвычайнай яснасцю і канкрэтнасцю, пра што кажуць супрацоўнікі яго кампаніі. «Ім кіравалі бясконцая цікаўнасць, сканцэнтраванасць на сучаснасці і людзях. На гэтым шляху ён спрыяў адкрытаму дыялогу з грамадскасцю, стаў любімай і паважанай постаццю дзякуючы сваёй здольнасці размаўляць са ўсімі. Заўсёды ўважлівы да патрэбаў грамадства, ён быў адданы шматлікім кірункам, асабліва свайму любімаму Мілану».
Яго кампанія мае пяцідзесяцігадовую гісторыю, а заснавальнік заўсёды лічыў незалежнасць думкі і дзеянняў сваёй візітнай карткай. Яго сям'я і супрацоўнікі будуць весці люксавы брэнд уперад, паважаючы і падтрымліваючы гэтыя каштоўнасці.
Пахаванне Армані
Пахаванне мадэльера адбудзецца прыватна. А капліца будзе адкрыта з 6 па 7 верасня, з 9:00 да 18:00, у Мілане, па адрасе Via Bergognone 59, у Armani/Teatro.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
