Цвярозых беларускіх кіроўцаў папярэдзілі пра штраф да 4200 рублёў

За што?

У ДАІ Мінска традыцыйна ў нядзелю закранулі тэму п'янага кіравання аўтамабілямі. Але гэтым разам у Дзяржаўтаінспекцыі папярэдзілі не тых, хто хоча пракаціцца пад градусам, а цвярозых кіроўцаў або ўладальнікаў аўтамабіляў за садзейнічанне ім, піша Telegraf.news.

У ДАІ нагадалі, што перадача аўтамабіля асобе ў стане ап'янення — пакаранае дзеянне. У ПДР выразна сказана, што ўладальнік аўто або той, хто мае права на кіраванне аўтамабілем, не мае права перадаваць яго іншай асобе, калі тая знаходзіцца ў стане ап'янення.

«За парушэнне названага патрабавання Правілаў асоба, што перадала кіраванне, можа быць прыцягнута да адміністрацыйнай адказнасці ў выглядзе штрафу ў памеры ад 50 (2100 рублёў - Рэд.) да 100 базавых велічынь (4200 рублёў - Рэд.) з пазбаўленнем права кіравання на 3 гады», — папярэдзілі ў ДАІ Мінска.

Там таксама нагадалі пра сацыяльную адказнасць беларусаў, бо акрамя самога штрафу і пазбаўлення правоў яны сваімі дзеяннямі могуць справакаваць сур'ёзныя ДТЗ і трагічныя наступствы.

«Перадача кіравання асобе, што знаходзіцца ў стане ап'янення, стварае сур'ёзную небяспеку для дарожнага руху, паколькі, знаходзячыся ў стане ап'янення, кіроўца не ў поўнай меры можа кантраляваць свае дзеянні», — нагадалі ў ДАІ.

У Дзяржаўтаінспекцыі таксама ўдакладнілі, што ў выпадку паўторнага парушэння на працягу года наступае крымінальная адказнасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]