Украінскія вайскоўцы вяртаюць Купянск пад поўны кантроль
- 23.09.2025, 14:18
- 5,922
Праводзіцца зачыстка раённага цэнтра ад расійскіх ДРГ.
Франтавы горад Купянск, адзін з раённых цэнтраў Харкаўшчыны, вяртаецца пад поўны кантроль Сіл абароны Украіны. Тут праводзяцца зачыстка і іншыя контрдыверсійныя мерапрыемствы: украінскія вайскоўцы адсочваюць рэшткі расійскіх дыверсійна-разведвальных груп, якія прасачыліся ў горад, у тым ліку і тых акупантаў, што для маскіроўкі выкарыстоўвалі адзенне грамадзяўскіх, паведаміў начальнік ГВА Андрэй Беседзін у эфіры нацыянальнага тэлемарафону «Адзіныя навіны».
«Вялікая колькасць салдат праціўніка знішчана або ўзята ў палон. На дадзены момант украінскія спецпадраздзяленні зачышчаюць Купянск, метадычна праходзячы кожны будынак і падвал, каб на тэрыторыі горада не засталося расійскіх вайскоўцаў. Сітуацыя даволі складаная, але цалкам кантралюецца байцамі нашых Сіл абароны Украіны. Уся тэрыторыя Купянска і Купянскай грамады знаходзіцца пад поўным кантролем Сіл абароны Украіны», — падкрэсліў кіраўнік раёна.
Паводле слоў Беседзіна, асноўныя баі тут ідуць паблізу раённага цэнтра, а лінія фронту цяпер праходзіць менш як за 1 кіламетр ад Купянска.
«Ворагу не ўдасца зайсці ў горад, хаця мы бачылі даклады Генштаба РФ, што яны нібыта фактычна кантралююць большую частку Купянска і чакаюць у найбліжэйшы час поўнага захопу гэтага населенага пункта. Гэтыя заявы расіян — лухта і прапаганда», — запэўніў чыноўнік.
Таксама ён дадаў, што цяпер працягваецца эвакуацыя грамадзянскага насельніцтва з райцэнтра. Сітуацыя крытычная з-за таго, што расійскія вайскоўцы рэгулярнымі ўдарамі разбамбілі інфраструктуру. На сёння ў правабярэжнай частцы Купянска знаходзяцца 702 чалавекі, а ўсяго на тэрыторыі Купянскай грамады 1682 чалавекі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
