Навукоўцы: продкі страўсаў і эму маглі лятаць
2- 18.09.2025, 12:16
- 1,048
Гэтыя птушкі «спусціліся на зямлю» каля 65 мільёнаў гадоў таму.
Навукоўцы з Нацыянальнага музея прыродазнаўчай гісторыі Смітсанаўскага інстытута ўстанавілі, што палеагнаты — продкі сучасных страўсаў, эму і іншых нялётных птушак — раней валодалі здольнасцю да палёту. Вынікі даследавання апублікаваныя ў часопісе Biology Letters.
Падчас даследавання навукоўцы прааналізавалі скамянеласць аднаго з прадстаўнікоў групы палеагнатаў — Lithornis promiscuus. Раней рэшткі былі знойдзены ў штаце Ваёмінг (ЗША) на тэрыторыі фармацыі Уілвуд. Гэта птушка жыла ў рэгіёне ад 66 да 23 мільёнаў гадоў таму.
З дапамогай 3D-сканавання навукоўцы ўстанавілі, што грудзіна Lithornis promiscuus мела масіўную структуру. Гэта забяспечвала мацаванне цягліц, якія выкарыстоўваліся для палёту. Паводле слоў навукоўцаў, від Lithornis promiscuus быў здольны і да чаргавання ўзмахаў крылаў, і да планіравання ў паветры — апошняя прыкмета ўласцівая птушкам, здольным лятаць на вялікія адлегласці.
Важным аспектам даследавання стаў касцяны орган, знойдзены на канцы дзюбы Lithornis. Гэты орган, хутчэй за ўсё, выкарыстоўваўся для лоўлі насякомых, што пацвярджае актыўнае кармленне гэтых птушак як у паветры, так і на зямлі.
Паводле меркавання вядучай аўтаркі даследавання Клары Уідрыг, страта здольнасці да палёту ў палеагнатаў адбылася пасля знікнення буйных драпежнікаў каля 65 мільёнаў гадоў таму. Адсутнасць пагрозы з боку драпежнікаў і магчымасць здабываць ежу на зямлі прывялі да таго, што птушкі пачалі развіваць іншыя формы абароны, такія як хуткі бег або агрэсіўныя паводзіны. Гэта дазваляла палеагнатам эканоміць энергію і эфектыўна выжываць у новых умовах.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
