Беспілотнікі нанеслі ўдар па нафтахімічным комплексе «Газпрома» ў Башкартастане

Завод гарыць.

Беспілотнікі паспяхова атакавалі нафтахімічны комплекс «Газпрома» ў горадзе Салават, які знаходзіцца каля 1500 км ад мяжы з Украінай. Завод гарыць.

Пра гэта паведамляе РБК-Украіна са спасылкай на Telegram-канал кіраўніка адміністрацыі Башкартастана Радыя Хабірава.

«Два беспілотнікі самалётнага тыпу атакавалі прадпрыемства. Загінулых і пацярпелых няма», — напісаў ён.

Паводле яго слоў, ахова прадпрыемства спрабавала адкрыць агонь па беспілотніках.

«Ступень пашкоджанняў высвятляем. Зараз ліквідуем пажар», — паведаміў Хабіраў.

Расійскі канал Astra публікуе відэа з месца атакі, на якіх бачны моцны пажар на нафтахімічным комплексе «Газпром Нефтехим Салават».

«Газпром Нефтехим Салават» — расійская нафтахімічная кампанія, якая валодае адным з найбуйнейшых у Расіі вытворчых комплексаў нафтаперапрацоўкі і нафтахіміі, размешчаным у горадзе Салават (Рэспубліка Башкартастан).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]