Названы дзве даты абвяшчэння 19-га пакета санкцый ЕС супраць Расіі

Ужо неўзабаве.

Новы пакет санкцый Еўрапейскага саюза супраць Расіі затрымліваецца, але яго абяцаюць прадставіць да пачатку наступнага тыдня.

Пра гэта паведамляе Politico.

Еўракамісія планавала 16 верасня прадставіць новы, 19-ы пакет санкцый. Аднак ціск з боку Дональда Трампа, які патрабуе ад Еўропы больш рашучых крокаў у абмен на падтрымку амерыканскіх санкцый, ускладніў працэс у Бруселі.

Еўракамісія паведаміла паслам краін ЕС, што санкцыйны пакет варта чакаць у пятніцу, 19 верасня, або ў панядзелак, 22 верасня. Два дыпламаты расказалі Politico, што некаторыя чыноўнікі спадзяюцца на больш раннюю публікацыю.

Заява Каллас

Кіраўніца дыпламатыі ЕС Кая Каллас запэўніла журналістаў, што пакет будзе прадстаўлены ў бліжэйшы час. «Расія выпрабоўвае Захад. Калі Пуцін адчуе слабасць, ён працягне наступ, таму што хоча нас праверыць. Еўропа павінна адказваць жорстка», — сказала Каллас.

Яна падкрэсліла неабходнасць узмацніць ўдары па расійскіх банках, энергетычных кампаніях, крыптабіржах і «ценяваму флоту». «Пазбаўленне Масквы сродкаў на вядзенне вайны надзвычай важнае, каб пакласці канец гэтаму канфлікту», — адзначыла Каллас.

Энергетычны фактар

Сярод патрабаванняў Трампа — адмова НАТА ад залежнасці ад расійскай нафты. Аднак гэта складана выканаць, улічваючы пазіцыю Турцыі, якая моцна залежыць ад расійскіх энергарэсурсаў і не далучылася да санкцый супраць Масквы.

У самім ЕС Венгрыя і Славакія тармозяць скарачэнне залежнасці ад расійскіх паставак. Каллас у сваіх заявах не згадала пра поўнае спыненне імпарту нафты, чаго дамагаецца Трамп.

Прэзідэнт Еўракамісіі Урсула фон дэр Ляен пасля размовы з Трампам заявіла, што санкцыйны пакет будзе накіраваны супраць «крыпта, банкаў і энергетыкі». Кітай яна ў сваёй заяве не згадала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]