Дроны атакавалі расійскі Валгаград, дзе працуе прадпрыемства «Лукойла»

Мясцовыя жыхары налічылі больш за дзясятак выбухаў.

У ноч на 18 верасня дроны, меркавана, атакавалі прадпрыемства «Лукойл-Валгаграднафтаперапрацоўка» ў расійскім Валгаградзе, мясцовыя жыхары паведамлялі пра больш чым дзясятак выбухаў.

Паводле паведамленняў мясцовых жыхароў, у паўднёвай частцы горада Валгаград быў чутны гук рухавіка і выбухі. Пра гучныя гукі таксама паведамлялі жыхары суседніх населеных пунктаў, пісаў Telegram-канал Shot.

У аэрапорце Валгаграда ўвялі план «Ковер». Былі адменены два маскоўскія рэйсы.

Губернатар вобласці заявіў, што з-за падзення абломкаў БПЛА былі выбіты шыбы і пашкоджаны дах у двух прыватных дамавалоданнях у Чырвонаармейскім раёне. Пацярпелых няма.

У сацсетках мяркуюць, што мэтай беспілотнікаў было прадпрыемства канцэрна «Лукойл», які забяспечвае палівам армію дзяржавы-агрэсара.

Расійскае ж Мінабароны заявіла, што на працягу ночы дзяжурнымі сродкамі СПА перахоплена і знішчана 43 украінскія беспілотныя лятальныя апараты самалётнага тыпу над тэрыторыяй Растоўскай, Валгаградскай, Курскай і Белгарадскай абласцей і над акупаваным Крымам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]