Што адбываецца на Гомельскім хімічным заводзе?

Яго фінансавыя праблемы будуць развязваць за кошт падаткаплацельшчыкаў.

«Урад» распарадзіўся кампенсаваць страты некалькім банкам па даўгах дзяржпрадпрыемстваў за кошт падаткаплацельшчыкаў. Такую схему арганізавалі па даўгах Гомельскага хімічнага завода і "Энергакамплекта". Адпаведную пастанову апублікавалі на Нацыянальным прававым інтэрнэт-партале, заўважыла "Зеркала".

"Белаграпрамбанку" пастанавілі адкрыць аднаўляльную крэдытную лінію на забеспячэнне экспарту для Гомельскага хімічнага завода на суму амаль 120,5 млн юаняў (блізу 49,4 млн рублёў па курсе Нацбанка на 5 жніўня).

Пры гэтым урад загадзя вызначыў, што з выплатамі па гэтай пазыцы могуць быць праблемы. У 2025-2028 гадах страты па ёй пастанавілі кампенсаваць за кошт бюджэту - гэта значыць з грошай, якія збіраюць з падаткаплацельшчыкаў.

Падобную схему выкарыстоўваюць для падтрымкі "Энергакамплекта", які займаецца вытворчасцю кабельна-правадніковай прадукцыі. У гэтым выпадку гаворка ідзе пра пазыку амаль у 22 млн даляраў, 20,3 млн у еўраў і 500 млн расейскіх і 60 млн беларускіх рублёў. Агулам гэта больш за 214 млн рублёў. Пазыкі на такія сумы ў прадпрыемства перад "Альфа банкам".

Характэрна, што сёлета Гомельскі хімічны завод атрымаў узнагароду ў конкурсе "Лідары прамысловасці Рэспублікі Беларусь - 2025".

Якімі былі фінансавыя вынікі прадпрыемства паводле вынікаў года, невядома, бо ўлады наважылі, каб яно не давала справаздачы пра гэта публічна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]