Іван Дорн праспяваў у Варшаве па-ўкраінску з вулічным музыкам з Беларусі

Відэа набрала больш за 400 тысяч праглядаў.

Украінскі выканаўца Іван Дорн праспяваў з вулічным музыкам з Беларусі Іванам Абрамавым, які выступае ў Варшаве. Для дуэта Дорн прапанаваў песню «Стыцамэн», перакладзеную на ўкраінскую мову. Відэа набрала больш за 400 тысяч праглядаў, піша MOST.

Іван Абрамаў часта выкладвае ў сябе ў блогу ролікі, як падыходзіць да мінакоў і спявае для іх. Ролік з Дорнам зняты ў той жа манеры. Музыка падыходзіць з гітарай і пытаецца па-расейску ў Дорна, які сядзіць на лавачцы, якая ягоная ўлюбёная песня. Той пытаецца, ці разумее музыка па-ўкраінску, і прапануе праспяваць сваю ўлюбёную песню.

Ці было выкананне экспромтам або нарыхтоўкай, меркаваць складана. Але Абрамаў у каментарах напісаў: «Вось так на вуліцы нараджаюцца новыя гіты», — і паставіў смайлік.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]