Фільм пра Беларусь перамог на кінафестывалі ў Лакарна

Ён называецца "Белы слімак".

16 жніўня ў швейцарскім горадзе Лакарна прайшла цырымонія закрыцця і ўручэння ўзнагарод прэстыжнага міжнароднага кінафестывалю. У асноўнай конкурснай праграме ўдзельнічаў фільм аўстрыйска-нямецкага дуэта рэжысёраў Эльзы Крэмер (Elsa Kremer) і Левіна Петэра (Levin Peter) "Белы слімак" — пра каханне ў сучаснай Беларусі, паведамляе "Нямецкая хваля".

Кіно здабыла дзве ўзнагароды: спецпрыз журы (другая па важнасці ўзнагарода з усіх магчымых) і прыз за найлепшы акторскі склад (яго ўручылі выканаўцам галоўных роляў Марыі Імбра і Міхаілу Сенкаву).

Сюжэт такі: гераіня па імі Маша падумвае аб тым, каб пакончыць з сабой, і гэтыя думкі прыводзяць яе ў трупярню, дзе яна знаёміцца з патолагаанатамам-мастаком па імі Міша. Паміж маладымі людзьмі завязваюцца стасункі.

Галоўны прыз агляду - "Залаты леапард" - здабыла японская карціна "Два сезоны, два незнаёмцы" Сё Міякэ. 78-ы па ліку кінафестываль у Лакарна праходзіў сёлета з 6 да 16 жніўня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]