У Беларусі знайшлі грыбы з радыяцыяй
10- 1.08.2025, 19:32
- 16,694
Названы раён.
У грыбах, сабраных у адным з раёнаў Беларусі, выявілі перавышэнне радыенуклідаў цэзію ў некалькі разоў ад максімальна дапушчальнай нормы.
Пра гэта піша газета "Прыпяцкая праўда".
Спецыялісты Нараўлянскага раённага цэнтра гігіены і эпідэміялогіі ў трывозе. З пачатку 2025 года лабараторыі праверылі 13 проб дзікарослых грыбоў - у 11 з іх утрыманне радыенуклідаў цэзію-137 значна перавысіла норму.
Асаблівую небяспеку ўяўляюць лісічкі, белыя, польскія грыбы і зялёнкі, сабраныя паблізу вёсак Заракітнае, Галоўчыцы, Вербавічы, Мальцы і Барбарава Мазырскага раёна.
У свежых лісічках з гэтых месцаў радыёлагі выявілі да 6828 Бк/кг пры дапушчальных 370 Бк/кг – гэта 18-кратнае перавышэнне.
Замарожаныя і сушаныя грыбы
Не менш трывожная сітуацыя з замарожанымі і сушанымі грыбамі.
У белых, польскіх грыбах і зялёнках з Калінічаў і Завойці зафіксавалі да 2 485 Бк/кг, а ў сушаных з тых жа населеных пунктаў і вёскі Будкі ўзровень цэзію-137 дасягнуў рэкордных 9 694 Бк/кг з нормай 2 500 Бк/кг.
Эксперты адзначаюць, што ўжыванне ў ежу такіх "даункаў лесу" прыводзіць да павышаных доз унутранага апрамянення арганізма.
Як сябе абараніць
Падчас куплі прадуктаў пераканайцеся, што ў гандляра ёсць дакумент, які пацвярджае якасць і бяспеку прадукцыі, выдадзены лабараторыяй радыяцыйнага кантролю рынка.
Не трэба набываць дарункі лесу на “ стыхійных” рынках ці каля дарог. Калі вы ўсёткі іх набылі, на радыяцыю грыбы (нават вараныя ці салёныя) ці ягады можна праверыць дарма.
Дзе праверыць прадукты на радыяцыю
Прадукцыю з асабістых дапаможных гаспадарак, а таксама дзікарослыя грыбы і ягады, можна даследаваць у тэрытарыяльных цэнтрах гігіены і эпідэміялогіі.
Аб'ём для пробы павінен складаць: свежыя ягады / грыбы - не менш за 0,5 л., сушаныя грыбы - найменей 100 г.
Даследаванні для насельніцтва праводзяцца дарма. Вынікі паведамляюць вусна ў дзень звароту.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
