Дэрматолагі расказалі, што трэба есці летам

У сонечнае надвор'е скура мае патрэбу ў антыаксідантах.

Рак скуры з'яўляецца адной з найбольш распаўсюджаных формаў анкалагічных захворванняў у свеце. Яго асноўнай прычынай медыкі называюць залішняе ультрафіялетавае (УФ) выпраменьванне. Аднак даследаванні апошніх гадоў сведчаць: акрамя знешняй абароны – сонцаахоўнага крэму і адзення – важную ролю ў прафілактыцы мае і паўсядзённы рацыён.

Як адзначыла/a> канадская дэрматалагіня Гіта Ядаў, існуе адзін асабліва важны нутрыент, які можа ўмацаваць натуральную абарону скуры – гэта антыаксіданты. Яны здольныя змагацца са свабоднымі радыкаламі, якія ўтвараюцца пад уплывам УФ-прамянёў і правакуюць пашкоджанне ДНК клетак скуры.

Як антыаксіданты абараняюць скуру

Калі скура адчувае празмерны ўплыў сонца, у клетках пачынаюць назапашвацца так званыя свабодныя радыкалы – нестабільныя малекулы, якія пашкоджваюць клеткавую структуру. Антыаксіданты нейтралізуюць гэтыя радыкалы, тым самым памяншаючы рызыку запаленняў, пачашчанага старэння і нават ракавых мутацый.

Акрамя таго, некаторыя антыаксіданты, напрыклад антацыяніны, якія надаюць ягадам іх цёмны колер, здольныя запускаць механізмы натуральнага самазнішчэння анамальных клетак. Гэта, на думку спецыялістаў, дадаткова паніжае рызыку анкалагічных працэсаў у скуры.

Самым магутным антыаксідантам, які рэкамендавана дадаць у штодзённы рацыён для падтрымання здароўя скуры, з'яўляецца лікапен. Гэты пігмент утрымліваецца пераважна ў таматах, кавунах і чырвоным перцы. Даследаванні паказалі, што рэгулярнае ўжыванне прадуктаў з высокім утрыманнем лікапену можа забяспечыць пэўны ўзровень унутранай «сонцаабароны» – падобна SPF 4.

Таксама важнымі антыаксідантамі з'яўляюцца:

Вітамін С – змяшчаецца ў цытрусавых, ківі, брокалі і балгарскім перцы;

Вітамін Е – у арэхах, семачках і алеях;

Бэта-каратын – крыніцы: морква, батат, гарбуз, шпінат;

Селен – у бразільскіх арэхах, рыбе, яйках;

Флаваноіды – асабліва шмат у чарніцах, вінаградзе, яблыках і гарбаце.

Ці дастаткова толькі правільнага харчавання

Доктарка Ядаў падкрэслівае, што нават ідэальны рацыён не замяняе традыцыйныя метады абароны ад сонца. Крэмы з SPF, галаўныя ўборы, акуляры з UV-абаронай, пазбяганне паўдзённага сонца – гэта першачарговыя захады прафілактыкі. Аднак антыаксідантная дыета можа стаць дадатковым шчытом – асабліва летам.

Паводле словаў спецыялісткі, найлепшым падыходам з'яўляецца спалучэнне знешняй і ўнутранай абароны: «Ваш рацыён – гэта не толькі энэргія для цела, але і магутны інструмент абароны клетак. І скура – не выключэнне».

Што трэба ўключыць у меню

Дыетолагі раяць штодня ўжываць не менш за пяць порцый рознакаляровай гародніны і садавіны.

Так, асаблівую ўвагу трэба аддаць чырвоным прадуктам (памідоры, кавуны), цёмна-фіялетавым (чарніцы, вінаград), аранжавым (морква, гарбуз), а таксама зялёнай ліставой гародніне (шпінат, брокалі).

Жменя арэхаў, лыжка льнянога алею або даданне ягадаў да сняданку – простыя крокі, якія могуць мець доўгі станоўчы эфект для вашай скуры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com