Bloomberg: Дысконт на расейскую нафту дасягнуў самага нізкага ўзроўню з 2022 года
4- 29.07.2025, 21:03
- 8,026
$11,45 за бараль.
Расейская нафта маркі Urals гандлюецца з мінімальным дысконтам у адносінах да эталонных коштаў з пачатку спецаперацыі на Украіне. Гэта сведчыць, што новыя еўрапейскія санкцыі пакуль не зрабілі ўплыву на рынак, піша Bloomberg са спасылкай на крыніцы.
Нафта Urals у апошнія дні гандлявалася з сярэднім дысконтам $11,45 за бараль у адносінах да North Sea Dated (гэта каціроўка агенцтва Argus на аснове кошту пяці паўночнаморскіх гатункаў нафты, у тым ліку Brent). Гэта «самы вузкі» разрыў у коштах з лютага 2022 года, гаворыцца ў матэрыяле.
Дысконт знізіўся, нягледзячы на 18-ы пакет санкцый супраць Расеі, які ЕЗ прыняў 18 ліпеня. Сярод іншага, знізілася столь коштаў расейскай нафты з $60 (дзейнічае з 2022 года) да $47,6 за бараль, была прынятая пастанова ўвесці забарону на імпарт нафтапрадуктаў, вырабленых з расейскай сырой нафты, з трэціх краінаў, за выключэннем Канады, Нарвегіі, Швэйцарыі, Вялікай Брытаніі і ЗША. Акрамя таго, у Еўропе пастанавілі цалкам забараніць транзакцыі ў дачыненні да «Паўночнага струменю» і «Паўночнага струменю – 2», у тым ліку для тавараў або паслуг.
Кіраўніца еўрапейскай дыпламатыі Кая Калас называла новы пакет санкцый «адным з самых жорсткіх».
Абмежаванні ЕЗ яшчэ не пачалі дзеяння. Новая коштавая столь павінна запрацаваць 3 верасня. У матэрыяле Bloomberg гаворыцца, што скараціць дысконт таксама дапамагаюць попыт на расейскую нафту ў Азіі, сярод іншага ў Кітаі, і абмежаваныя пастаўкі.
Дысконт на нафту – гэта коштавая розніца паміж пэўнай маркай нафты і эталоннай (звычайна Brent), якая ўзнікае праз адрозненні ў якасці нафты, рынкавую сітуацыю або знешнепалітычныя чыннікі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
