«Аэрафлот» аднавіў палёты паміж Менскам і Масквой

Лётае туды і назад.

Самалёты расейскай авіякампаніі «Аэрафлот» пачалі лётаць з Менска ў Маскву і ў зваротным кірунку, сведчаць звесткі анлайн-табло сталічнага аэрапорта.

Напрыклад, у 16.20 у Нацыянальны аэрапорт прыбыў рэйс з маскоўскага Шарамеццева, а ў 17.20 самалёт «Аэрафлота» паляцеў туды з Менска. Да гэтага рэйсы скасоўваліся. Наступны рэйс у Шарамеццева затрыманы на гадзіну (павінен паляцець у 22.10), але не скасаваны.

Мінтранс Расеі паведаміў, што рэйсы авіякампаній «Аэрафлот» і «Расея» выконваюцца паводле скарэктаванага плану палётаў.

«Карэктаванні ў раскладзе, уключаючы скасаванні, у асноўным закранулі рэйсы з Масквы і назад. Рэгіянальная частка праграмы выконвалася ў поўным аб'ёме.

Пераход на айчынныя сістэмы дазволіў аператыўна наладзіць працу ўсіх падраздзяленняў», – заявілі ва ўстанове.

Раней «Аэрафлот» даваў справаздачу, што з 10-й 29 ліпеня выконвае праграму палётаў у рамках раскладу.

Нагадаем, 28 ліпеня расейская авіякампанія «Аэрафлот» заявіла пра збоі ў працы інфармацыйных сістэмаў і скасаванне больш як 40 рэйсаў, у тым ліку рэйсаў у Менск і з Менска.

Пазней адказнасць за збой на сябе ўзяла хакерская група Silent Crow. Хактывісты заявілі пра знішчэнне ўнутранай IT-інфраструктуры расейскай авіякампаніі «Аэрафлот» і адзначылі, што правесці атаку ім дапамаглі «Кіберпартызаны».

У Генпракуратуры Расеі пацвердзілі, што «збой Аэрафлота» выкліканы хакерскім нападам. Распачатая крымінальная справа паводле прыкметаў злачынства, прадугледжанага часткай 4 артыкула 272 КК Расеі (Неправамоцны доступ да камп'ютарнай інфармацыі).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]