У Дзярждуме заклікалі падняць курс даляра да 108 расейскіх рублёў

Паслабленне расейскага рубля, якое пачалося, – наймацнейшае з пачатку гэтага года.

Вяртанне курсу даляра да адзнак вышэй за 100 рублёў «не толькі лагічнае, але і функцыянальна неабходнае» для расейскай эканомікі і бюджэту, заявіў «Газеце.ру» чалец камітэта Дзярждумы датычна малога і сярэдняга прадпрымальніцтве Аляксей Гавырын.

Паводле ягоных словаў, распачатае паслабленне рубля – наймацнейшае з пачатку гэтага года – не варта разглядаць як «катастрофу» або «нешта надзвычайнае», паколькі яно з'яўляецца «кантраляваным працэсам», што прывядзе да ажыўлення інвестыцыйнай і вытворчай актыўнасці ў краіне.

«Залішне моцны рубель прыводзіць да зніжэння рублёвай выручкі ў экспарцёраў, робіць расейскія тавары менш канкурэнтаздольнымі на знешніх рынках і зніжае прыбыткі бюджэту, якія залежаць ад экспартных паступленняў», – растлумачыў Гавырын. Ён дадаў, што даляр павінен вярнуцца ў дыяпазон 88–108 рублёў, каб стварыць «устойлівую базу выканання бюджэту» і падтрымаць экспартныя галіны, на якіх «у значнай ступені трымаецца эканоміка краіны».

За першую палову 2025 года рубель падаражэў амаль на 40% да даляра і еўра, узначаліўшы топ самых хуткарослых валютаў свету. Курс амерыканскай валюты з адзнак вышэй за 110 рублёў у студзені адкаціўся да ўзроўняў ніжэй за 80. Еўра пачынаў год за 117 рублёў, а ў канцы траўня каштаваў танней за 90.

Вынікам сталі праблемы федэральнай казны: за першае паўгоддзе нафтагазавыя прыбыткі ўпалі на 14%, у траўні і чэрвені спад перавысіў 30%. Дэфіцыт бюджэту да сярэдзіны ліпеня быў вышэйшым за 4 трлн рублёў, хоць першапачаткова Мінфін закладваў 1,2 трлн на год.

У панядзелак і аўторак, пасля пастановы Дональда Трампа скараціць тэрмін ультыматуму для заканчэння вайны ва Украіне і пагрозы ўвесці новыя санкцыі на расейскую нафту, даляр паднімаўся вышэй за 82 рублі, еўра – вышэй за 95 рублёў, а курс юаня на біржы перавышаў адзнаку 11,5 рубля.

Дэвальвацыя – «адзіна магчымы» сцэнар выправіць сітуацыю з бюджэтам, мяркуе Аляксандр Абрамян, кіраўнік аддзела працы з заможнымі кліентамі КК «Альфа-Капітал». Кожны рубель росту курсу даляра прыносіць у казну ад 130 да 200 млрд рублёў за год. «Гэта значыць, патэнцыйна тут ляжаць на талерцы пад 1,5–2 трлн рублёў пры дэвальвацыі да 100 руб. за даляр. Вельмі ўжо панадліва», – тлумачыць Абрамян.

Паводле звестак Reuters, урад і ЦБ яшчэ ў канцы траўня пачалі абмяркоўваць сцэнар кіраванай дэвальвацыі рубля да 100 за даляр, каб залатаць «дзюру» ў дзяржфінансах. Крыніца агенцтва ў кабміне апавядала, што трохзнакавы курс амерыканскай валюты быў прызнаны бяспечным для эканомікі пры ўмове, што падзенне рубля не стане бескантрольным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]