Чаму менчукоў не папярэдзілі пра набліжэнне беспілотніка

Дзіўны адказ МНС.

Уначы 29 ліпеня ў двары дома № 72 на сталічнай вуліцы Матусевіча разбіўся беспілотнік. Як сцвярджаюць відавочцы, прылада рэзнулася ў дом, пасля чаго ўпала на прыпаркаваны аўтамабіль і выбухнула. Ніхто не пацярпеў, абломкі беспілотніка закранулі два аўтамабілі. Чаму ўлады не папярэдзілі жыхароў пра набліжэнне пагрозы – не разаслалі СМС ці не абвясцілі паветраную трывогу? «Люстэрка» задало гэтае пытанне МНС і вывучыла заканадаўчыя акты.

Што гавораць у МНС?

У прыёмнай Менскай гарадской управы МНС, куды журналістка «Люстэрка» звярнулася як занепакоеная грамадзянка, не змаглі нічога растлумачыць у сутнасці.

– Чаму не было нейкай абвесткі, нейкай інфармацыі? Людзі вельмі спалохаліся. Чаму ніхто не даслаў СМС?

– Што я магу падказаць? Можаце сваё пытанне адрасаваць на службу 101, 112. Я думаю, вас пераключаць і паінфармуюць.

– Але ж гэта тэлефоны экстранных службаў.

– Магу вам парэкамендаваць пакінуць пісьмовы зварот праз сістэму электронных зваротаў, мы дамо вам адказ.

А што гаворыць закон?

Канкрэтна падзенне беспілотніка ў беларускім заканадаўстве не згадваецца. Аднак нормы абавязваюць органы ўлады загадзя інфармаваць насельніцтва пра ўзнікненне небяспек. Напрыклад, Закон «Аб абароне насельніцтва і тэрыторый ад надзвычайных сітуацый прыроднага і тэхнагеннага характару» прадугледжвае, што ўпаўнаважаныя органы забяспечваюць «своечасовае інфармаванне насельніцтва пра пагрозу ўзнікнення або пра ўзнікненне надзвычайных сітуацый».

Вядома, улады маглі папярэдзіць жыхароў толькі пра тыя пагрозы, пра якія самі ведалі загадзя. Цяпер складана сказаць, што канкрэтна ім было вядома і як доўга яны валодалі гэтай інфармацыяй.

Мінабароны сцвярджае, што «неапазнаную паветраную цэль» выявілі блізу другой гадзіны ночы, а збілі ў 2:33. У такім выпадку ў запасе было паўгадзіны.

Аднак відавочца паведамляў «Люстэрку», што чуў спецыфічны «гук мапеда» блізу 1.40–2.00 у раёне Астрашыцкага Гарадка і Бараўлянаў. Эксперт арганізацыі iSANS таксама паставіў пад пытанне храналогію інцыдэнту, агучаную ўладамі. На ягоную думку, часовыя разыходжанні могуць указваць на тое, што беспілотнік быў знойдзены толькі на падлёце да горада, калі часу на адэкватную рэакцыю ўжо практычна не засталося.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]