Гомельскія міліцыянты выпадкова дадалі апазіцыйнага актывіста ў свой унутраны чат
4- 29.07.2025, 11:55
- 16,812
Што ён там убачыў?
Адзін з беларускіх актывістаў, які знаходзіцца ў вымушанай эміграцыі, расказаў «Флагштоку» пра незвычайны выпадак: яго выпадкова дадалі ў чат гомельскіх міліцыянтаў. Амаль месяц ён чытаў перапіску сілавікоў і перачытваў унутраныя дакументы, якія выкладвалі ў чаце.
Гэта закрыты чат у вайберы, які мае назву «Саюз спецыялістаў». Мяркуючы з перапіскі, у групе знаходзяцца супрацоўнікі крымінальнага вышуку, якія не займаюцца палітычнымі справамі.
У чат выпадкова трапіў малады чалавек, які праз палітычны пераслед выехаў з Беларусі. З дапамогай вайбера ён абзвоньваў Беларускія аддзелы міліцыі, дзейнічаючы як пранкер. Ва УУС Гомельскага аблвыканкама ён тэлефанаваў, каб праінфармаваць міліцыю аб залётах у рэгіён расейскіх дронаў.
Затым адбылося нечаканае: вайбер таго, хто тэлефанаваў, на кароткі час, апынуўся ў групе «шашлыкі». Затым - у чаце «Саюз спецыялістаў».
У перапісках міліцыянты Гомельскай вобласці выкладвалі не толькі матэрыялы аб крадзяжах, але і дакументы, якія тычацца справаздач аб працы з «дармаедамі», аб «супрацьдзеянні экстрэмізму».
Такім чынам высветлілася, што нават супрацоўнікі крымінальнага вышуку вымушаныя займацца беспрацоўнымі, «незанятымі ў эканоміцы».
Супрацоўнікам нагадвалі, да якога часу трэба здаць справаздачы. Так, дзякуючы чату «экстрэміст» азнаёміўся з унутранай кухняй міліцыянтаў.
Паводле ягоных слоў, яго ўразіла тое, што многія сілавікі пры тэлефонных размовах праявілі сябе як «ватнікі» і «саўкі». У чаце некаторыя ўсталявалі на аватарках савецкую сімволіку.
Прыкладна праз месяц у мімавольнага ўдзельніка міліцэйскіх планёрак доступ да чату знік.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
