Расея зачыняе 20 памежных пунктаў з Украінай

Частка з іх «перастала знаходзіцца на мяжы».

Урад Расеі распарадзіўся афіцыйна зачыніць з 1 жніўня 20 пунктаў пропуску, якія дзейнічалі раней паводле пагаднення з Украінай. Адпаведны дакумент падпісаў прэм'ер-міністр РФ Міхаіл Мішусцін, паведамляе ТАСС.

«Зачыніць з 1 жніўня 2025 г. пункты пропуску праз дзяржаўную мяжу Расейскай Федэрацыі, устаноўленыя ў адпаведнасці з пагадненнем паміж урадам РФ і ўрадам Украіны аб пунктах пропуску праз дзяржаўную мяжу паміж Расейскай Федэрацыяй і Украінай ад 8 лютага 1995 г., паводле пераліку згодна з дадаткам», – гаворыцца ў дакуменце.

У спісе – 13 аўтамабільных пунктаў і 7 чыгуначных. У тым ліку ўказаныя памежныя пераходы, якія пасля расейскай анэксіі тэрыторый Луганскай, Данецкай, Херсонскай і Запарожскай абласцей у 2022 годзе «перасталі знаходзіцца на мяжы з Украінай», піша ТАСС.

Нагадаем, у верасні 2022 года Расея правяла ў часткова акупаваных Данецкай, Луганскай, Запарожскай і Херсонскай абласцях Украіны «рэферэндумы», а потым анэксавала гэтыя тэрыторыі. Пры гэтым частку акупаваных тэрыторый з тых часоў узялі пад свой кантроль украінскія войскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]