Як Лукашэнка адной фразай настроіў супраць сябе міністраў і профільных чыноўнікаў

Дыктатар зноў вынюхаў «паклады нафты».

- Я неяк не магу паверыць, што, здабываючы калісьці больш за 8 млн тон у савецкія часы, мы сёння скаціліся да 2 млн тон, - заявіў Лукашэнка, прымаючы ў сябе губернатара Цюменскай вобласці Аляксандра Маора.

І тут жа дадаў, што «нам патрэбныя такія незалежныя эксперты, якія маглі б адказаць на пытанне, у якім кірунку нам тут развівацца».

Лукашэнка прапанаваў спецыялістам з гэтага расейскага рэгіёну «ацаніць перспектывы нарошчвання здабычы гэтай сыравіны ў Беларусі». І тым самым каторы раз прынізіў сваіх падначаленых, адзначае «Салідарнасць».

Ён не раз за гады свайго кіравання рабіў падобныя заявы, маўляў, быць таго не можа, каб у нас не знайшлося яшчэ нафты.

Такія словы гучалі і ў 2011-м:

Мне здаецца, што нам трэба больш уважліва паглядзець на нетры. Знойдзем мы нешта. Не можа быць, каб хтосьці шукаў і не знайшоў.

І дзесяць гадоў таму:

Я проста не веру, што ў нас няма вялікіх аб'ёмаў нафты і што ў нашых нетрах адсутнічае прыродны газ. На падобных тэрыторыях у Расеі і іншых краінах здабываецца нямала нафты і прыроднага газу.

І летась:

Што тычыцца Міністэрства прыродных рэсурсаў і аховы навакольнага асяроддзя, мы нядаўна правялі сур'ёзную нараду ў гэтым плане. Скажу шчыра: трэба капаць і шукаць. Акрамя гэтага, трэба, каб ты прымусіў усіх у гэтым кірунку працаваць. Я не веру, што ў нашых нетрах няма таго, што нам трэба. Вось калі хоць у нейкай ступені развяжам гэтую задачу - гэта помнік можна ставіць у кожным месцы.

І на мінулым тыдні - на фоне навін аб адкрыцці пакладаў нафты ў суседняй Польшчы:

Я дакладна ведаю, што тут у нас ёсць рэзервы. Таму трэба не разгойдвацца, а свідраваць і свідраваць.

І вось сёння беларускія міністры і профільныя чыноўнікі атрымалі сваю порцыю прыніжэнняў, прадставіўшы перад гасцямі з Цюмені людзьмі другога гатунку.

Іншая справа, што і ў іх наўрад ці нешта атрымаецца. Застаецца толькі перафразаваць расейскую камедыю: «Нафту бачыш? А яна ёсць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]