На месцы саўмінаўскіх лецішчаў у Менску актыўна будуюць камяніцы
7- 28.07.2025, 14:07
- 7,656
Што там будзе?
У Менску ва "Утульным" будуюць камяніцы і таўнхаўзы. Зараз будуюць 21 дом розных тыпаў, а ў выніку малапавярховая забудова будзе ўключаць блізу сотні дамоў. У "Мінскбудзе" распавялі, як ідзе будаўніцтва.
У межах вуліц Парніковай – Падлеснай - Анаева працягваюць будаваць сядзібную забудову - гэта на поўдзень ад шматпавярховай забудовы «Утульнае». Тут, на тэрыторыі былых саўмінаўскіх лецішчаў, будуць катэджы і таўнхаўзы плошчай ад 140 да 270 квадратаў. Раней "Мінскбуд" паказваў рэндар аднаго тыпу дамоў. Вось ён.
Усяго ва «Утульным» будзе больш за сто дамоў. Зараз будуюць 21 катэдж - заліваюць падмуркі, узводзяцца маналітныя каркасы будынкаў, у некаторых муляры ўжо прыступілі да запаўнення сценавых праёмаў керамзітабетоннымі блокамі.
Ужо праклалі магістральныя сеткі водазабеспячэння, бытавой і ліўневай каналізацыі.
- Цэнтральная вуліца заасфальтаваная і накрытая плітамі для праезду будаўнічай тэхнікі. У асфальтагрануляце гатовая аснова яшчэ чатырох вуліц. Будуецца таксама ПНС, - дапаўняюць у «Мінскбуд».
Некалькі дзён таму мы расказалі аб забудове ва «Утульным».
- Работы ўжо пачатыя, практычна закончаная пракладка інжынерна — транспартнай інфраструктуры, прыступілі да будаўніцтва першых будынкаў, - казаў гендырэктар «Мінскбуда» Аляксандр Церахаў. - Рэалізоўваць жыллё плануем праз аўкцыёны, а таўнхаўзы — паводле прынцыпу долевага будаўніцтва. Мяркуецца, што ў 2026 годзе гэтую пляцоўку забудавалі ў поўным аб'ёме, уключаючы ўсе неабходныя атрыбуты: асфальтавае пакрыццё, праезды, ходнікі, ліўневую каналізацыю, асвятленне. Усё будзе як у горадзе, але максімальна набліжана да прыроды.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
