Украінская Служба замежнай выведкі раскрыла планы Лукашэнкі

Сцэнар паўтараецца.

Лукашэнка зноў выкарыстае сваю тэрыторыю для транзіту нелегалаў з Афрыкі, Блізкага Усходу і Афганістана ў Польшчу.

Пра гэта паведамляе Служба замежнай выведкі Украіны (СЗВУ).

Паводле звестак выведкі, частка плыняў прыбывае з Лібіі наўпрост ці праз Расею, што паказвае на каардынацыю паміж Менскам і Масквой.

«Сцэнар паўтарае крызіс 2021 года, калі рэжым Лукашэнкі арганізаваў масавае пранікненне мігрантаў на межы ЕЗ, спрабуючы абмяняць зніжэнне напружання на зняцце санкцый. Гэты шантаж не спрацаваў: абмежаванні толькі ўзмацніліся, а дыпламатычная ізаляцыя Менска – паглыбілася», – гаворыцца ў паведамленні.

У выведцы адзначылі, што беларускі дыктатар «дзейнічае гнутка»: працягвае зарабляць на транзіце мігрантаў, але ў той жа час пазбягае адкрытай эскалацыі, «каб не страціць рэшткі палітычных кантактаў у Еўропе, сярод іншага з Вугоршчынай, якая паслядоўна выступае супраць міграцыі».

«Абвастрэнне міграцыйнай сітуацыі на ўсходніх рубяжах ЕЗ падвышае рызыкі для еўрапейскай бяспекі і стварае дадатковыя магчымасці для манеўравання аўтарытарных рэжымаў. Лукашэнка, нягледзячы на рэпутацыю сатэліта Пуціна, захоўвае аўтаномію ў пытаннях тактыкі – і чарговым разам дэманструе гатоўнасць выкарыстоўваць яе для палітычнага ціску на захад», - мяркуюць у СЗВУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]