Пад Іванавым перавярнулася маршрутка

Сем чалавек у бальніцы.

Кіроўца мікрааўтобуса не справіўся з кіраваннем падчас абгону.

Сёння амаль а 15.10 у Іванаўскім раёне Берасцейскай вобласці адбылося дарожна-транспартнае здарэнне з удзелам маршрутнага таксі, паведамляе афіцыйны канал МУС Беларусі.

Паводле папярэдняй інфармацыі, 47-гадовы кіроўца мікрааўтобуса Mercedes, які выконваў рэйс Іванава — Гародня, не справіўся з кіраваннем падчас абгону на 465-м кіламетры аўтадарогі М-10 "Мяжа РФ — Гомель — Кобрын".

Маршрутка з'ехала ў левы кювет і перавярнулася.

У выніку здарэння сем пасажыраў былі дастаўленыя ў медыцынскую ўстанову дзеля праверкі стану здароўя. Пра ступень цяжкасці іх траўм пакуль не паведамляецца.

На месцы працуюць супрацоўнікі ДАІ і следча-аператыўная група. Прычыны і абставіны аварыі высвятляюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]