Беларускія пляжнікі датэрмінова выйшлі ў суперфінал Еўралігі

Ён пройдзе з 9 па 14 верасня ў італьянскім Віярэджа.

Зборная Беларусі ў пляжным футболе саступіла камандзе Швайцарыі ў заключным матчы групы В Еўралігі - 7:9.

У ходзе гульні беларусы саступалі з лікам 2:5, але потым змаглі ўчыніць камбэк і ус абнадзеілі заўзятараў, давёўшы лічбы да 4:5.

На жаль, пераламаць ход гульні ўсё ж не атрымалася - швайцарцы забілі яшчэ тры мячы запар.

Затым беларусы зноў зрабілі лік 7:8. Аднак цуд ўсё ж не здарыўся.

Нагадаем, на першым этапе Еўралігі беларусы ўпэўнена перамаглі Турцыю (12:1), Нямеччыну (6:1) і Чэхію (9:2), прадэманстраваўшы выдатную форму.

На другім ім была залічана тэхнічная перамога над Латвіяй (3:0) праз адмову супраціўніка выходзіць на поле. А пасля зборная Беларусі адолела каманду Малдовы з лікам 5:3.

Нягледзячы на крыўдную паразу ад швайцарцаў, нашай камандзе хвалявацца не варта - яна датэрмінова адабралася ў суперфінал Еўралігі, куды патрапяць восем наймацнейшых зборных кантынента.

Ён пройдзе з 9 па 14 верасня ў італьянскім Віярэджа.

Нагадаем, у двух апошніх сезонах беларуская каманда заваявала бронзавыя медалі турніру, а ў 2021 годзе стала срэбраным прызёрам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]