Самы небяспечны для Зямлі астэроід можа сутыкнуцца з Месяцам
2- 26.07.2025, 21:17
- 13,300
Чым гэта небяспечна?
Паводле разлікаў астраномаў, астэроід 024 YR4 можа сутыкнуцца з Месяцам у канцы 2032 года. Пра гэта 26 ліпеня паведамляе CNN.
Навукоўцы лічылі, што астэроід, які выявілі ў канцы 2024 года, можа сутыкнуцца з Зямлёй да 22 снежня 2032 года. Вераемнасць такога сутыкнення змянялася з кожным новым назіраннем, дасягнуўшы піка ў 3, 1% у лютым - гэтая лічба зрабіла яго самым рызыкоўным астэроідам з тых, за якімі назіралі.
Дзякуючы больш дакладным вымярэнням даследнікі ў выніку змаглі вызначыць, што астэроід не сутыкнецца з Зямлёй. Паводле звестак NASA,падчас апошніх назіранняў за астэроідам у пачатку чэрвеня, перад тым як YR4 знік з-пад увагі, астраномы паглыбілі веды пра тое , дзе ён будзе знаходзіцца праз сем гадоў, амаль на 20%.
Гэтыя звесткі паказваюць, што астэроід можа сутыкнуцца з Месяцам. Сутыкненне стане ўнікальнай падзеяй для чалавецтва, але яно таксама можа прывесці да выкіду дробназярністага месяцовага матэрыялу ў бок Зямлі.
Хоць Зямлі не пагражае сур'ёзная фізічная небяспека, існуе магчымасць, што ў гэты час пад пагрозай могуць апынуцца астранаўты або інфраструктура на паверхні Месяца, а таксама спадарожнікі, якія круцяцца вакол Зямлі, ад якіх залежыць падтрыманне бесперабойнай працы жыццёва важных аспектаў, навігацыя і сувязь.
Са словаў доктара Пола Вігерта, прафесара астраноміі і фізікі Заходняга ўніверсітэта ў Лондане, сутыкненне можа выклікаць яркую ўспышку, якая будзе бачная няўзброеным вокам на працягу некалькіх секунд.
Цяпер даследнікі ацэньваюць, наколькі маштабны беспарадак можа стварыць патэнцыйнае сутыкненне YR4 з Месяцам, і ці можна нешта зрабіць, каб змякчыць яго.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
