The Washington Post: Нямеччына перадала Украіне тры сістэмы Patriot

Гаворыцца пра пастаўкі, якія абяцаў Трамп паводле новай схемы еўрапейскага фінансавання дапамогі Украіне.

Нямеччына перадала Украіне тры сістэмы Patriot паводле прапанаванай ЗША новай схемы дапамогі Украіне, калі амерыканскую зброю для уСУ аплачваюць еўрапейскія краіны.

Пра гэта піша The Washington Post (пераклад – “Уніян”) са спасылкай на неназваных чыноўнікаў.

Адзначаецца, што Украіна спадзяецца атрымаць 10 сістэм Patriot паводле новай схемы. На сустрэчы хаўруснікаў Украіны ў панядзелак міністр абароны Нямеччыны Барыс Пісторыус, не паведамляючы падрабязнасці, заявіў, што Берлін "будзе садзейнічаць прадастаўленню" пяці сістэм Patriot. І суразмоўцы журналістаў паведамілі, што тры сістэмы ўжо перададзеныя, а наконт адпраўкі яшчэ адной нямеччына зараз вядзе перамовы з ЗША.

Астатнія батарэі Patriot могуць быць атрыманыя з-за межаў NATO, адзначае The Washington Post. Так, Міністэрства абароны Швайцарыі заяўляе, што пяць комплексаў Patriot, якія краіна замовіла ў амерыканскага вытворцы, ЗША перанакіруюць менавіта Ўкраіне, а швайцарцы атрымаюць комплексы пазней.

Чакаецца, што акрамя сістэм СПА, Украіна атрымае паводле гэтай схемы радары і сістэмы радыёэлектроннай барацьбы, перахопнікі беспілотнікаў і артылерыю. Пра гэта выданню паведамілі два чыноўнікі, знаёмыя з планамі.

Паведамляецца, што міністры абароны еўрапейскіх краін гэтым тыднем правялі віртуальную сустрэчу з міністрам абароны ЗША Пітам Хегсэтам і галоўнакамандуючым войскамі NATO ў Еўропе генералам Алексусам Грынкевічам, каб абмеркаваць гэтыя планы.

Апрача гэтага працягваюць дыскусія наконт прадастаўленні Украіне дальнабойных ракет. Нямеччына ўжо заявіла, што не будзе пастаўляць крылатыя ракеты Taurus. Як піша The Washington Post, дыпламаты NATO дапускаюць магчымасць, што свае ракеты дадуць ЗША, хаця Трамп ужо заявіў, што ён "не імкнецца гэта зрабіць".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]