У Расеі на вайсковым аэрадроме «Армавір» знішчаны самалёт СУ-27УБ

ГУР МА Украіны раскрыла дэталі.

Уначы 26 ліпеня на вайсковымм аэрадроме “Армавір” у Краснадарскім краі Расеі знішчаны вучэбна-баявы знішчальнік Су-27УБ, паведамляе Галоўная ўправа выведкі Украіны.

“У Расеі на Армавіры знішчаны самалёт СУ-27УБ”, - заявілі ў ГУР.

Паводле іх звестак, уначы з 25 на 26 ліпеня на аэрадроме “Армавір” Краснадарскага краю загарэўся вучэбна-баявы знішчальнік узброеных сіл РФ СУ-27УБ.

Паводле паведамленняў мясцовых жыхароў, сувязь у населеных пунктах паблізу аэрадрома адсутнічае.

Аэрадром "Армавір" і самалёты на ім выкарыстоўваюцца пераважна дзеля навучання курсантаў Краснадарскага авіяцыйнага вучылішча.

"Супраціў крамлёўскаму рэжыму ўнутры Расеі – расце", – дадалі ў выведцы.

Су-27 - гэта савецкі звышгукавы цяжкі знішчальнік чацвёртага пакалення. Самалёт створаны для заваёвы перавагі ў паветры, аднак таксама ўжываецца для ракетна-бомбавых удараў па наземных цэлях.

Су-27 здольны несці тактычныя ядравыя боепрыпасы. Гэты самалёт з'яўляецца адным з асноўных баявых самалётаў ПС Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]