Літва заявіла пра гатоўнасць прыняць больш войскаў ЗША і NATO
1- 24.07.2025, 20:58
- 2,322
Вільня закончыла неабходную мадэрнізацыю інфраструктуры.
Літва гатовая прыняць дадатковыя сілы ЗША і NATO, заявіў галоўны камандзір узброеных сілаў краіны генерал Раймундас Вайкшнарас. Паводле ягоных словаў, якія апублікаваныя на сайце войска краіны, неабходная мадэрнізацыя інфраструктуры закончаная, што дае магчымасць размясціць больш войскаў хаўруснікаў.
«Мы зрабілі ўсю неабходную мадэрнізацыю інфраструктуры – цяпер мы можам прыняць яшчэ больш войскаў хаўруснікаў <...> Як краіна, якая прымае, мы робім усё магчымае, каб хаўруснікі адчувалі сябе тут гатовымі», – заявіў генерал.
Ён адзначыў, што ўсе роды войскаў Літвы – сухапутныя, паветраныя і марскія – удзельнічаюць у вучэннях і аперацыях NATO. Так, Ваенна-марскія сілы задзейнічаныя ў аперацыі Baltic Sentry для абароны крытычнай марской інфраструктуры.
У літоўскім Мінабароны напярэдадні візіту міністраў абароны краінаў Балтыі ў Вашынгтон таксама нагадалі пра значнасць амерыканскага кантынгету для краіны.
«Літва надае вялікае значэнне прысутнасці ўзброеных сілаў ЗША ў нашай краіне і рэгіёне як краевугольнаму каменю бяспекі. Мы цэнім не толькі іх прысутнасць, але і актыўнае супрацоўніцтва», – заявіла міністарка абароны Давіле Шакалене.
Як зазначаецца ў прэс-рэлізе, у найбліжэйшым абаронным бюджэце прадугледжанае павелічэнне ваенных выдаткаў да 5,25% ВУП. Таксама вядуцца інвестыцыі ў развіццё баявых магчымасцяў, інфраструктуры.
Абаронныя набыткі Літвы, адзначыла міністарка, на 20% звязаныя з кантрактамі з амерыканскімі кампаніямі. «Гэта больш, чым проста бяспека, гэта выказванне стратэгічнага партнёрства», – падкрэсліла Шакаленэ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
